| e-texts navigator |
| Wylie |
244b1 གནས་པའི་གདུལ་བྱ་དེ།།རླུང་ལྷ་རྔ་མོའི་སྟེང་དུ་ཞོན།།ཕོ་ཉ་སྤྲུལ་པ་མཐའ་ཡས་ཀྱིས།།འཁྲིག་ཅིང་ཚོགས་པར་རང་བསམས་ལ།།གཤིན་རྗེའི་དྲུང་དུ་ཁྲིད་པར་བསམ།།འདིས་ནི་དབུགས་མེད་བརྒྱལ
244b2 བའང་།།གཞན་དུ་དྲག་པོས་ཕྱིན་འགྱུར་ན།།སྲོག་དང་ལྡན་པས་སྨོས་ཅི་དགོས།།གལ་ཏེ་དགྲ་དཔུང་ཕམ་འདོད་ན།།བདག་ཉིད་མི་གཡོ་མགོན་པོ་སྟེ།།ཇི་ལྟར་གནས་པའི་རབ་ཏུ་བསྒོམ།།དེ་ཡི་གཟུགས
244b3 བརྙན་བྲིས་ནས་ཀྱང་།།ཆོ་གས་དེ་རུ་བྱིན་བརླབས་ལ།།སྔགས་ནི་བདུན་འབུམ་ལ་སོགས་པ།།ལྕགས་སྣ་བདུན་ལས་བཅུ་གཉིས་ཚད།།རལ་གྲི་སྙིང་པོར་བཅས་པ་ལ།།གསལ་བར་དེ་དག་རྟགས་བྱུང
244b4 བཟླས།།འོད་དང་སྒྲ་དང་ས་གཡོས་དང་།།རལ་གྲི་སྐད་ནི་འདོན་པ་ན།།ཕྱུང་བས་གཡུལ་ལས་ལྡོག་པ་དང་།།བསྐོར་བས་དམག་དཔུང་འབྲོས་པར་འགྱུར།།བདག་ཉིད་རྒྱལ་ཞིང་ཆེ་འདོད་ན།།བདག་ཉིད
244b5 གསལ་ཞིང་བརྟན་གྱུར་ནས།།ཞེ་སྡང་རྡོ་རྗེར་གསལ་བྱས་ལ།།དུར་ཁྲོད་རས་ལ་མིང་རུས་བྲི།།སྔགས་དང་ཕྱག་རྒྱས་བཀུག་བསྟིམས་ལ།།ངེས་པར་བསྟན་པའི་ལྟས་བྱུང་ནས།།ཧེ་རུ་ཀ་ཡི་ཞབས
244b6 ཀྱིས་མནན།།རྟ་མགྲིན་གད་མོ་དྲག་པས་བསྡིགས།།ཁྱུང་གཤོག་ཕྱག་རྒྱ་ཟིལ་གྱིས་མནན།།བདག་དང་ཁྱིའི་སྒྲོམས་ནས་གདོན།།བདག་ཉིད་ཐེམ་པའི་འོག་ཏུ་མནན།།ཡང་ན་བདག་གི
244b7 འོག་ཏུ་མནན།།རྡོ་རྗེ་རྒྱ་གྲམ་ཕྱག་རྒྱ་ཡིས།།སྟེང་ནས་མནན་ཅིང་བདེན་པ་བདར།།བདག་ཉིད་དེ་ཡི་རྒྱལ་པོར་འགྱུར།།དབུལ་པོ་གཏེར་དང་ཕྲད་འདོད་ན།།བདག་ཉིད་ལས་ལ་གོམས་པ
iiif viewer powered by OpenSeadragon
