| e-texts navigator |
| Wylie |
242a1 མངར།།ཆོ་གེ་མ་ཞིག་ཛཿཧཱུཾ་ཞེས།།དགྲ་དང་བགེགས་དང་ལྷ་དང་གཟུངས།།མཐུ་དང་རྫུ་འཕྲུལ་ལྡན་ཡང་རུང་།།ཐ་མལ་དབང་མེད་བཞིན་དུ་དགུག།གལ་ཏེ་དེ་ཡི་དགོས
242a2 པ་དག།མྱུར་དུ་གྲུབ་པར་མ་གྱུར་ན།།དེ་དག་ལེགས་པར་གྲུབ་ཀྱི་བར།།གང་ཡིན་མཁས་པས་བཅིང་བར་བྱ།།དགྲ་དང་ཐབས་དང་ཏིང་འཛིན་གྱིས།།འགྲུབ་པར་འགྱུར་བར་གདོན་མི་ཟ།།
242a3 བདག་ཉིད་དབང་དྲག་གསལ་བ་ཡི།།ལྕེ་ལ་དབང་གི་འཁོར་ལོ་བསམ།།ཡི་གེ་གསུམ་ལྡན་དགུ་བཀོད་ནས།།འོད་ཀྱིས་ན་མཁའི་ཁམས་བཀང་ཞིང་།།པདྨ་རཱ་ག་ཞུ་འདྲ་བས།།གང་ཐིམ
242a4 བདག་གི་དབང་གྱུར་ཞིང་།།བདེན་པ་བདར་ཞིང་ངག་གིས་བཅིང་།།ཡང་ན་གང་ལ་གང་ཆགས་པའི།།རྫས་ལ་རིང་དུ་འདོད་པ་ལྟར།།འདོད་པ་གྲུབ་ན་དམ་བཅས་ཞིང་།།ཡིད་འོང་འདུལ་བཱི།
242a5 ཏིང་འཛིན་གྱིས།།དགའ་བའི་ཐབས་ཀྱིས་བརྟེན་བྱས་ན།།གལ་ཏེ་འགྲོ་ཞིང་འཕྲོ་འདོད་ན།།དབང་དྲག་ཕྱག་རྒྱས་བསྡིགས་བཅིང་གཟིར།།དགའ་བའི་ཐབས་ཀྱིས་ཡིད་འཕྲོགས་ནས།།
242a6 རོལ་མོ་སྒྱུ་མཁན་དགྲ་དེ་ཡིས།།འདུས་པའི་གང་ཟག་ཆགས་པ་ཅན།།བྱ་བ་ཐབས་ཀྱིས་བྲལ་བ་ལྟར།།བྲལ་བ་མེད་པར་གནས་པར་འགྱུར།།ཏིང་འཛིན་བརྟན་པའི་ནུས་པ་ཡིས།།
242a7 གང་ཡང་རུང་བའི་སེམས་ཅན་དེ།།སྣ་ཚོགས་ཁྲོ་བོ་ཁྲོ་མོ་ཡིས།།འོད་དང་ཕྱག་རྒྱ་འབར་བ་ཡིས།།བཅིངས་ནས་མདུན་དུ་གནས་པར་བལྟ།།དགའ་དང་བསྡིགས་པ་རྫས་ཀྱི་མཐའ།།
iiif viewer powered by OpenSeadragon
