| e-texts navigator |
| Wylie |
178b1 རྒྱལ་བ་རྒྱ་མཚོ་ཀུན་གྱི་མཚན།།དང་ཕྱིར་རྡོ་རྗེ་ཐུགས་ཆུད་པས།།ལས་དང་སྤྱོད་པ་དཀའ་ཐུབ་དང་།།སྲིད་པའི་རི་བོས་མི་བསྐྱོད་པས།།དེ་ནི་མི་བསྐྱོད་མཆོག་ཏུ་གསུངས།།ཐབས་དང་ཤེས་རབ་འབྲེལ
178b2 བ་ཡིས།།ཇི་སྙེད་སྐུ་གསུང་ཐུགས་སྣང་བ།།མོས་དང་ཐབས་ཀྱི་ཁྱད་པར་གྱིས།།སྣང་བར་སྣང་ཕྱིར་སྣང་མཛད་མཆོག།རྒྱལ་བ་ཀུན་གྱི་ཡོན་ཏན་ནི།།ཚོགས་རྣམས་འདུས་པའི་ངོ་བོ
178b3 སྟེ།ཡོན་རིན་ཆེན་ལྟར་འབྱུང་བས།།རིན་ཆེན་འབྱུང་བར་གསུངས་པ་ཡིན།།དཔག་ཏུ་མེད་པའི་གསུང་གི་སྒོ།།དབང་པོ་ཐབས་ཀྱི་བྱེ་བྲག་གིས།།དོན་བརྟགས་གསུང་དང་ཡི་གེའི
178b4 སྒོ།།མཐའ་ཡས་སྣང་ཕྱིར་མཐའ་ཡས་མཆོག།དཔག་མེད་ཐུགས་རྗེས་མཛད་པ་ཡི།།འགྲོ་འོང་མེད་པའི་ཐུགས་རྗེ་ཡིས།།འགྲོ་བ་སྐྱོབ་པའི་དོན་མཛད་པས།།དོན་གྲུབ་ཅེས
178b5 ནི་རྣམ་པར་བསྟན།།རིག་པའི་རྒྱལ་པོ་འདི་དག་ཀྱང་།།ཐ་མལ་ལྔ་ཉིད་གནས་དག་ཅིང་།།དེ་ལས་ཐབས་དེས་མངོན་བྱས་པས།།དེར་དབང་བསྒྱུར་དེ་ཉིད་སྣང་བ།།རྒྱལ་པོ་ཉིད་དུ
178b6 བརྗོད་པ་ཡིན།།སྟང་འོག་གཉིས་ལས་མངོན་གྱུར་པའི།།སྦྱོར་དང་འཇུ་འདུལ་རླུང་གི་རིམ།།གང་དེ་ཐབས་ལས་མངོན་གྱུར་པའི།།བདེ་བའི་གཟུགས་དང་ཚོར་བ་དང་།།འདུ
178b7 ཤེས་དང་ནི་འདུ་བྱེད་དང་།།རྣམ་ཤེས་ཟག་མེད་བདེ་བའི་རོ་སོ།།དབང་སྒྱུར་ཡེ་ཤེས་རྒྱལ་པོར་བཤད།།གང་ཕྱིར་སྣང་དང་བསྒོམས་དང་བྲིས།།ཕྱག་རྒྱ་རྩ་བཅུད་ཐིག་ལེའི་མདོག།
iiif viewer powered by OpenSeadragon
