| e-texts navigator |
| Wylie |
176b1 དམན་པ་དང་།།ཕྱིན་ཅི་ལྡོག་དང་མི་མོས་དང་།།དབང་དང་དམ་ཚིག་མེད་པ་ལ།།བསང་ཕྱིར་གསང་བའི་ཐེག་པར་གསུངས།།ཐབས་དང་བྲལ་བའི་སློབ་དཔོན་གྱིས།།སྣོད་དང་བྲལ་བའི
176b2 སློབ་མ་ལ།།གསོང་བའི་སྙིང་པོ་བསྟན་གྱུར་ན།།བདག་དང་གཞན་ཀུན་སྡུག་བསྔལ་ཞིང་།།སྲེག་དང་བསྒྲིབས་པར་ཡུན་རིངས་གནས།།སྒྱུ་འཕྲུལ་དྲ་བ་རྡོ་རྗེ་མེ་ལོང་གི་རྒྱུད་ཆེན་པོ་ལས
176b3 མཚན་གྱི་དོན་གྱི་བཤད་པ་དང་པོའོ།།།དེ་ནས་གཞན་ཡང་བཤད་བྱ་བ།།ཐུན་མོང་མ་གྱུར་གསང་བའི་དོན།།ཐུན་མོང་མ་ཡིན་འཁོར་དག་ལ།།ཕྱོགས་བཅུ་རྒྱལ་བ་རྡོ་རྗེ་འཆང
176b4 དཀྱིལ་འཁོར་མངོན་དུ་ཕྱུང་བ་ཡི།།རྡོ་རྗེ་པདྨ་འགེལ་བ་ཡིས།།བྱང་ཆུབ་སེམས་ཀྱི་དབང་བསྐུར་ནས།།ཐུན་མོང་ཐུན་མོང་མ་ཡིན་པའི།།ཉོན་མོངས་ལྟ་དང་ཤེས་བྱ་རྣམས།།སྐད་ཅིག
176b5 ཡུད་ལ་གསལ་བྱས་ཏེ།།ཐུན་མོང་ཁྱད་པར་གསལ་བ་ཡི།།ལམ་གཉིས་ངེས་པར་སྟོན་པས་ན།།སྟོན་པ་ཞེས་ནི་བརྗོད་པ་ཡིན།།དེ་ཡི་གནས་མཆོག་བཤད་བྱ་བ།།འཐུང་དང
176b6 བཞུགས་དང་རྟེན་པ་དང་།།མཚོན་པ་བྱིན་གྱིས་བརླབས་ཕྱིརོ།།ཐབས་དང་ལམ་གྱི་ཁྱད་པར་གྱིས།།ཀུན་བདག་རྡོ་རྗེ་འཆང་ཆེན་ཉིད།།གཙང་མ་རིགས་དག་སྤངས་པ་ཡི།།
176b7 འོག་མིན་གནས་མཆོག་ཆེན་པོ་དེར།།ཡང་དག་སངས་རྒྱས་དེར་སངས་རྒྱས།།སྐལ་མེད་སྐྱེ་བོ་གདུལ་བའི་ཕྱིར།།སྤྲུལ་པ་པོ་ནི་འདིར་སངས་རྒྱས།།སངས་རྒྱས་ཀུན་གྱི
iiif viewer powered by OpenSeadragon
