| e-texts navigator |
| Wylie |
400b1 ཉིད།།རྟོག་པ་དག་ལ་རྟོག་པར་སྣང་།།ཅིས་འདུལ་དྲིར་སྣང་ཅི་ཡང་མེད་ཅེས་གསུང་ཕྱེ།།ཡང་བཅོམ་ལྡན་འདས་དཔའ་མཆོག་དཔལ་ངོ་བོ་ཉིད་དག་པས་འདི་སྐད་དུ།རང
400b2 བཞིན་རང་གིསྔ་མ་བཅས་པ།།ཡོང་གི་འོད་གསལ་དེ་བཞིན་ཉིད།།ཀུན་གྱི་སྙིང་པོ་དེ་ཉིད་པས།།ཅིས་ཀྱང་མ་བསྒྲིབས་ན་མཁའ་ཆེ་ཞེས་གསུང་སོ།།ཡང་བཅོམ་ལྡན
400b3 འདས་གཟི་བརྗིད་དཔལ་ངོ་བོ་ཉིད་དག་པས་འདི་སྐད་དུ།ཇི་བཞིན་པ་ཉིད་ས་མཆོག་ཏེ།།དེ་རིག་ཡེ་ཤེས་བླ་མ་ཡིས།།ཡེ་ནས་དེ་བཞིན་ཉིད་ལ་གནས།།ད་གདོད་བགྲོད་དུ
400b4 ག་ལ་ཡོད་ཅེས་གསུངསོ།།ཡང་བཅོམ་ལྡན་འདས་སངས་རྒྱས་ཀུན་གྱི་དགེ་བའི་བཤེས་གཉེན་ངོ་བོ་ཉིད་དག་པས་འདི་སྐད་དུ།སྟོང་པ་ཉིད་ཀྱི་སྙིང་པོ་ལ།།སྣ་ཚོགས་སྣང
400b5 བའི་འཁོར་གྱིས་བསྐོར།།སུས་ཀྱང་མ་བྱས་རང་འབྱུང་བ།།ཇི་བཞིན་པ་ཡི་དཀྱིལ་འཁོར་ཉིད་ཅེས་གསང་བའི་ཚིག་ཏུའོ།།ཡང་བཅོམ་ལྡན་འདས་ངན་སྲོང་ཐམས
400b6 ཅད་སྦྱོང་བའི་ངོ་བོ་ཉིད་དག་པ་གསང་བ་སོ་འདི་སྐད་དུ།ཟད་མེད་ཡེ་ཤེས་དངོས་གྲུབ་ནི།།དེ་བཞིན་ཉིད་དུ་དངོས་གྲུབ་པས།།ཟད་པ་མེད་ཅིང་འཕེལ་བ་མེད།།དུ
400b7 གདོད་བསྒྲུབ་ཏུ་ག་ལ་ཡོད་ཅེས་གསང་བའི་ཚིག་ཏུའོ།།ཡང་བཅོམ་ལྡན་འདས་འཇིག་རྟེན་ཀུན་གྱི་ངོ་བོ་ཉིད་དག་པས་འདི་སྐད་དུ།ཆོས་ཀུན་རང་བཞིན་མེད་པ་ཉིན།།
iiif viewer powered by OpenSeadragon
