| e-texts navigator |
| Wylie |
394a1 གྲཞོམ་པར་དཀའ་བའི་ལྔས་འདི་དག།ཉམས་བླངས་ན་བདེ་ཐོབ་རྙེད།།འདི་ནི་ཏིང་འཛིན་དམ་པ་ཡི།།ཉམསུ་བླང་བའི་བསླབ་པ་སྟེ།།སེམས་ཉིད
394a2 གོམས་པར་བྱ་བ་ལས།།འདྲིས་པར་བྱེད་པ་རབ་ཏུ་གཅེས།།གྲོགས་པོ་དག་དེ་དག་ནི་ཉམས་རྙེད་པ་ཉིད་དུ་ཤེས་པར་བྱའོ།།དེ་སྐད་ཅེས་སྨྲས་པས།དམན་པ་དམ་པ་རྣམས
394a3 གང་གི་དགོངས་པ་དམ་པའི་ཉམ་དྲོད་རྙེད་པར་གྱུར་ཏོ།།སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་རྣལ་འབྱོར་དབང་བསྒྱུར་གྱི་ལེའུ་སྟེ།བདུན་ཅུ་གསུམ
394a4 བའོ།།།།དེ་ནས་ཡང་གསྡང་བ་པའི་བདག་པོ་དེས་དམན་པའི་ལུས་ཀྱིས་སེམས་དཔའ་རྣམས་ལ་འདི་སྐད་ཅེས་སྨྲསོ།།གྲོགས་པོ་དག་གང་འདི་ལ་ཚོགས
394a5 ཆུང་བར་བྱ་བ་གང་ཞེ་ན།འདི་ལྟ་སྟེ།ཅི་ལ་ཡང་བྱ་བ་མེད་པ་ཉིད་དོ།།གང་ལ་བྱ་བ་མེད་པ་དེ་གང་ཞེ་ན།འདི་ལྟ་སྟེ།དེ་བཞིན་ཉིད་དོ།།དེ་ཅིའི་ཕྱིར་ཞེ་ན།འདྲི་ལྟ་སྟེ།
394a6 སྔགས་ཀྱིས་ཡོངསུ་ཟིན་པའི་ནད།།གང་ལའང་གནོད་པའི་བྱེད་མི་ནུས།།དེ་བཞིན་ཉིད་ཀྱིས་ཟིན་པ་ཡི།།དུས་གསུམ་དུག་ལྔས་གནོད་མི་འགྱུར།།དེ་བཞིན་ཉིད་ཀྱིས
394a7 མ་ཟིན་ན།།ལམ་གྱི་ཕྱོགས་རྣམས་ཀུན་སྤྱད་ཀྱང་།།བདེ་འགྲོ་ཙམ་དུ་དེས་འབྱུང་གི།གོ་འཕང་དམ་པར་ག་ལ་འགྱུར།།དེ་བཞིན་ཉིད་ཀྱིས་ཀུན་ནས་པར།།གང་ཤེས
iiif viewer powered by OpenSeadragon
