| e-texts navigator |
| Wylie |
109b1 ཡོན།།དབང་ནི་རྟོགས་པས་རེ་དོགས་བཅད་པ་ཡིན།།འདི་ལ་ངེས་པར་འཇུག་པའི་རྣལ་འབྱོར་པ།།ཤིན་ཏུ་རྣལ་འབྱོར་རྒྱུ་འབྲས་འདས་པའི་ལུང་།།མཱ་བཅོས་ཡེ་ཤེས་ཀུན་བྱེང་རྒྱལ
109b2 པོ་ལ།།གང་ལྟར་འདི་ལྟར་འཇོག་ཅེས་ལུང་མི་སྟོན།།སྔ་བར་མ་གསུངས་ཕྱིས་ཀྱང་མི་གསུང་ཞིང་ད་ལྟར་བྱུང་བར་གསུངས་པར་མི་མཛད་དོ།།ཀྱེ་སྟོན་པའི་ངོ་བོ་ཀུན་བྱེད་རྒྱལ་པོ་ཡིས།།
109b3 བསྒོམ་ཞིང་བསམ་དུ་མེད་པའི་ཆོས་ཉིད་ལ།།མ་བསམས་ཡལ་བར་གནས་པས་འཁོར་བ་ཉིད།།བཙལ་ཞིང་བསྒོམས་པས་རྟོག་པའི་མཚན་མའི་ལམ།།དེ་བས་རེ་དོགས་བཅས
109b4 པའི་ཏིང་འཛིན་ནི།།གནས་པས་གྲོལ་བར་ཀུན་བྱེད་ལུང་མི་སྟོན།།ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ཡིས།།རྟོགས་པས་གཉི་ཀའི་འཆིང་བ་རབ་བཅད་ནས།།མི་འགལ་མཉམ
109b5 པའི་དོན་ལ་གནས་བྱས་པས།།ཀུན་བྱེད་ང་ཡི་དགོངས་པ་ལྷུན་གྱིས་གྲུབ།།ཀྱེ་གང་གིས་འཆིང་བ་དེ་རྟོགས་པཅད་བྱས་ཤིང་།།གྲོལ་བར་མི་འཇུག་མྱ་ངན་འདས་མི་ལེན།།སྙིང
109b6 པོའི་དོན་ལ་ཕྱོགས་རིས་དམིགས་མི་འཛིན།།དོན་ལ་མི་བསྒོམ་སྙིང་རྗེ་ཡུལ་མི་འཇུག།ཀྱེ་ཀུན་བྱེད་རྒྱལ་པོ་ང་ཡིས་གང་བསྟན་པ།།སེམས་དཔའ་རྡོ་རྗེས་དོན་ལ་གོམས་པར་གྱིས།།
109b7 ཡེ་ཤེས་དྲན་པས་དབང་སྒྱུར་རིག་པའི་ངང་།།འདི་ནི་ཀུན་བྱེད་རྒྱལ་པོར་ངེས་ལུང་བསྟན་ཞེས་གསུངསོ།།བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་རིག་པ་དབང་སྒྱུར་ལ་གནས་པའི
iiif viewer powered by OpenSeadragon
