| e-texts navigator |
| Wylie |
146a1 པདྨ་ཆེན་པོ་རྣམསོ།།ཤར་གྱི་སྒོར་རྒྱལ་པོ་ཆེན་པོ་ཡུལ་འཁོར་སྲུང་།།ལྷོ་སྦྱོར་འཕགས་སྐྱེས་པོ།།ནུབ་སྒོར་སྤྱན་མི་བཟུང་།བྱང་སྒོར་རྣམ་ཐོས་སྨྲས
146a2 རྣམས་སྐུ་མདོག་དཀར་བ་དང་།བསྔོ་བ་དང་།དམར་བ་དང་།ལྗང་ཀུ་ཤེས་པར་བྱའོ།།ལག་ན་ནོར་བུ་རིན་པོ་ཆེར་རེ།རལ་གྲི་རེ་རེའོ།།འདི་རྣམས་ཀྱི་ཆུང་མ་ནི་མི་བྲིའོ།།
146a3 འདི་ལྟར་བྲིས་པའི་བྱང་ཤར་དུ་གསང་བའི་དཀྱིལ་འཁོར་གྲུ་གསུམ་ལ།དེའི་ནང་དུ་དགྲ་བོའི་གཟུགས་སྤྲ་ཚིལ་ལས་བྱས་པ་རིད་པ།གནག་པ།སྒྲ་ཟེད་པ།ཏིལ་མར་གྱིས
146a4 བྱུགས་ཏེ།སྙིང་ཁོར་མིང་རུས་བྲིས་ལ་གཞུག་གོ།དེའི་སྐོར་རོ་སྐྲ་ལས་བྱས་པའི་ཐག་པ་གདགས་སོ།།དེ་ལྟར་བྱས་ན་གནོད་སྦྱིན་ཆེན་པོ་བརྒྱད་ལ།ལ་དུ་དང་།ལ་ཕུག
146a5 དང་བཙས་པའི་གཏོར་མ་དང་།གནོད་སྦྱིན་ཆེན་པོ་བརྒྱད་ལ་ཉ་ཤེ་དང་སྒོག་གཅོད་དུ་སྦྱར་བའི་དམར་གྱི་གཏོར་མ་རེ་རེ་བཤམ།ཀླུ་ཆེན་པོ་བརྒྱད་ལ་གཏོར་མ་ཆེ་བ་གཅིག་དང་།
146a6 རྒྱལ་པོ་ཆེན་པོ་བཞི་ལ་རཻ་བྱ།གལ་ཏེ་མོ་འབྱོར་ན་ཆེ་བོ་གཅིག་བྱ།ལྷ་བཤོས་རི་རི་དབུལ་བར་བྱའོ།།གཞན་ཡང་དྲག་པོའི་རྫས་སྤྱང་ཀའི་ཐོད་པ་དང་།ཟི་ར་ནག་པོ་དང་།།
146a7 སྐེ་ཚེ་དང་།ཉུང་ཀར་དང་།ཉུང་ནག་བཞག་པར་བྱའོ།།ཚོགས་བདག་ཆེན་པོའི་དཀྱིལ་འཁོར་གྱི་ལེའུ་སྟེ་བཅུ་གཅིག་པའོ།།།།དེ་ནས་གཞན་ཡང་བཤད་པར་བྱ།
iiif viewer powered by OpenSeadragon
