| e-texts navigator |
| Wylie |
141a1 བདག་ཉིད་གཙོར་བུར་བྱུང་བྱས་ཏེ།།ལོག་འདྲེན་གཟུགས་ཀྱིས་ཡང་དག་མཆོད།།བ་ར་ཏ་ཀ་ཟླ་བ་དྲུག།ཉིན་རོ་བཞིན་དུ་དུས་གསུམ་དུ།།གསང
141a2 སྔགས་བརྒྱ་ནི་རྩ་བརྒྱད་བཟླས།།ཡིད་ལ་རེ་བ་ཐམས་ཅད་རྫོགས།།བསམ་པ་ཐམས་ཅད་འགྲུབ་པར་འགྱུར།།ོཾ་ནི་བཀྲ་ཤིས་དཔལ་དང་ལྡན།།གསང་སྔགས་མགོ
141a3 ལ་བཞག་པར་བྱ།།ཡིད་བཞིན་ནོར་བུ་ལྟ་བུ་ཡི།།དངོས་གྲུབ་གཏེར་བྱེད་ཡི་གེ་ཡང་།།དེ་འོག་བྲལ་ལ་བཞག་པར་བྱ།།ཉི་མ་ལྟ་བུའི་ཡི་གེ་ཡང་།།དེ་ཡི་རྗེས་ལ་བཀླག་པར་བྱ།
141a4 དེ་བཞིན་གཤེགས་པའི་མཚན་དང་པོ།།ཡི་གེའི་མཆོག་ནི་བླང་བར་བྱ།།གསལ་བྱེད་ཡི་གེ་དང་པོ་ཡང་།།དེ་ཡི་མཇུག་ཏུ་བརྗོད་པར་བྱ།།རིན་ཆེན་ཡི་གེ་སྭཱ་ཞེས་བྱ།།ལས་ཀྱི།
141a5 ཡི་གེ་ཧཱ་ཞེས་བྱ།།དངོས་གྲུབ་འདོད་པས་གསང་སྔགས་བཟླས།།ལྷ་ཆེན་དངོས་གྲུབ་སྒྲུབ་པའི་རྒྱུད་ལས་ལྷའི་དངོས་གྲུབ་ཀྱི་གསང་སྔགས་བསྟན་པའི་ལེའུ་སྟེ་གཉིས་པའོ།།
141a6 དེ་ནས་ཚོགས་ཀྱི་བདག་པོ་བཤད།།ཚོགས་ཀྱི་བདག་པོ་སྐུ་མདོག་དཀར།།གླང་པོ་ཆེ་ཡི་མགོ་བོ་ཅན།།མཆེ་བ་ཡ་གཅིག་ཆག་པ་དང་།།ཕྱག་གཡོས་ལ་ཕུག་བསྣམས།
141a7 པ་དང་།།བྱི་བའི་གདན་ལ་བཅིབས་པ་དང་།།རིན་པོ་ཆེ་ཡི་སྐུ་བརྒྱན་པ།།ཟླ་བ་ཚེས་པས་དབུ་རྒྱན་པ།།འོད་གསལ་བ།འོད་ཟེར་འཕྲོ་བ།མདོག་བཟང་བ།ཁ་དོག
iiif viewer powered by OpenSeadragon
