| e-texts navigator |
| Wylie |
477b1 བར་འགྱུར་ཏོ།།གཟུགས་ཕུན་སུམ་ཚོགས་པ་དང་།དབང་ཕྱུག་ཕུན་སུམ་ཚོགས་པ་དང་།གཡོག་ཕུན་སུམ་ཚོགས་པ་དང་།དཔའ་བ་དང་།བརྟུལ་ཕོད་པ་དང་།ཆེན་པོ་ཆེན་པོའི་སྟོབས་ཀྱི
477b2 ཤུགས་དང་ལྡན་པར་འགྱུརརོ།།བུད་མེད་གང་གིས་དེ་བཞིན་གཤེགས་པ་དེའི་མཚན་ཐོས་ཤིང་བཟུང་བ་དེའི་བུད་མེད་ཀྱི་དངོས་པོ་དེ་ཐ་མ་ཡིན་པར་ཤེས་པར་བྱའོ།།དེ་ནས་བཅོམ་ལྡན་འདས
477b3 ལ་འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།།བཅོམ་ལྡན་འདས་སླད་མའི་ཚེ་སླད་མའི་དུས་ན།གང་དག་མདོ་འདི་འཆང་བ་དང་།ཀློག་པ་དང་།འཆད་པ་དང་།གཞན
477b4 དག་ལ་རྒྱ་ཆེར་ཡང་དག་པར་སྟོན་པ་དང་།ཡི་གེར་འདྲི་བ་དང་།ཡི་གེར་འདྲིར་སྩོལ་བ་དང་།གླེགས་བམ་ལ་བྲིས་ཏེ་མེ་ཏོག་དང་།བདུག་པ་དང་།།སྤོས་དང་།ཕྲེང་བ་དང་།བྱུག་པ་དང་།
477b5 གདུགས་དང་།རྒྱལ་མཚན་རྣམས་ཀྱིས་བཀུར་སྟིར་བགྱི་བའི་རིགས་ཀྱི་བུ་འམ།རིགས་ཀྱི་བུ་མོ་དེ་དག་ལ་བདག་གིས་བཅོམ་ལྡན་འདས་དེ་བཞིན་གཤེགས་པ་སྨན་གྱི་བླ་བཻ་ཌཱུརྱ་རི་འོད་དེའི
477b6 མཚན་རྣམ་པ་སྣ་ཚོགསུ་བསྒྲག་པར་བགྱིའོ།།ཐ་ན་རྨི་ལམ་དུ་ཡང་སངས་རྒྱས་ཀྱི་མཚན་རྣ་ལམ་དུ་ཉེ་བར་བསྒྲག་པར་བགྱིའོ།།ཚོན་སྣ་ལྔ་པའི་ཚོན་རྣམས་ཀྱིས་དཀྲིས་ཏེ་ཕྱོགས་གཙང
477b7 མར་བཞག་ན།གང་ན་མདོ་སྡེ་འདི་གནས་པ་དེར་རྒྱལ་པོ་ཆེན་པོ་བཞི་འཁོར་དང་བཅས་པ་དང་།ལྟ་བྱེ་བ་ཁྲག་ཁྲིག་བརྒྱ་སྟོང་གཞན་ཡང་མཆི་བར་འགྱུརརོ།།གང་དག་བཅོམ་ལྡན་འདས
iiif viewer powered by OpenSeadragon
