| e-texts navigator |
| Wylie |
333b1 གྲོགས་བྱས་བསྒྲགས་ནས་ཐལ་བའི་ལྷག་མའང་མ་ལུས་བཞིན།།བསྐལ་པ་དཔག་མེད་སྐྱེས་པའི་རྟོག་པའི་དྲི་མཱིའི་རྨ་རྣམས་ལ།།དྲུང་བ་དད་དང་བརྩོན་འགྲུས་སྔགས་བཟླས་སེམས་དམ་མོ།།
333b2 ཡོས་སྲོག།ཉི་མའི་སྙིང་པོ་འཛུམ་གླིང་དབུས་སུ་རིགས་བཟུང་སྟེ།།སྐྱེས་དང་བུད་མེད་དཔོང་པོ་སྐྱོན་མེད་ཚུལ་ཁྲིམས་ཅེན།།སྐྱེ་བ་སྔ་མའི་ལམ་ཤུགས་དག་དང་བླ་མའི་ལུང་ཐོབ་པ།
333b3 དང་དང་སྙིང་རྗེའི་སེམས་ཅན་གཏོང་བའི་ཅན་བློ་དེས།།རིག་པའི་ཁྲོ་བོ་སྒོམ་དང་དེ་རྗེས་དེ་ནི་བཟླས་འབད་ན།།བསྟོད་དང་མཆོད་མཉེས་བྲན་གཡོག་ལྷ་མིན་གསང་བ་བརྙས་མེད་ཅིང་།
333b4 ཆུ་ཡི་མཆོད་སྦྱིན་འཁོར་ལོ་གཏོར་མུ་ལ་བརྩོན་ཞིང་།།སྦྱིན་སྲེག་རྣམས་ཀྱིས་ལྷ་དང་བྲན་གཡོག་མཉེས་བྱས་ན།།རིང་པོར་མི་ཐོགས་སྒྲུབ་པོ་དེས་རྟག་ཕྱག་རྒྱ་འབྱིན་པར་འགྱུར།།འདིར
333b5 ནི་མང་དུ་སྨྲས་མི་དགོས།།སྔར་ནི་རྡོ་རྗེ་ས་ཐོག་ཏུ།།བཤད་པའི་མཚན་མ་སྟེར་བར་འགྱུར།།ཟངས་ལྕགས་བླ་མའི་གནང་བྱའོ།།ལུས་སོགས་རིག་པའི་དབང་གྱུར་ནས།།མེ་དང་རླུང
333b6 སོགས་འབྱུང་བ་དང་།།ནད་དེང་གདོན་དང་བྱད་རྣམས་དང་།།བདུད་ཀྱིས་ཀླགས་ནི་རྙེད་མི་འགྱུར།།མེ་ལྕེ་ཕྲེང་བའི་རྟོག་པ་ལས།།བཤད་པའི་འཆི་བའི་སྦྱོར་བྱུང་ན།།སེར་སྣ་འདི་ནི་ཕ
333b7 རོལ་འཕང་།།སྨོན་ལམ་ལམ་སྣ་ལ་བརྟེན་ནས།།འདི་འོག་བྱང་ཆུབ་སེམས་དཔའ་ནི།།འགྲོ་བ་སྨིན་པའི་བླ་མར་འགྱུར།།ཡང་ན་སྲིད་པ་བར་མདོར།།སྔོགས་ཀྱི་རྣམ་ཤེས་གཟི་བསྐྱེད
iiif viewer powered by OpenSeadragon
