| e-texts navigator |
| Wylie |
332b1 རྣལ་འབྱོར་གྱིས།།བྲན་གཡོག་རྣམས་ནི་བསྐུལ་བར་བྱ།།ོཾ་ཨ་མྲྀ་ཏཱ་ཀུཎྜཱ་ལི་ཏཱ་ན་ཧ་ན་དྷུ་ཕཊ།འདི་ནི་བཀའ་ཙམ་ངེས་བསྒྲགས་ཅིང་།།དེ་ཡིག་སུམ་ཅུ་རྩ་གཉིས་བརྗོད།།སྙིང་ཁའི་འདུ
332b2 ཀྱིས་དབང་བྱ་ཞིང་།།གུ་གུལ་དུད་པས་བྲོད་བྱས་ལ།།སེར་སྣ་ཆེན་པོ་སཻཏྐ་ལ་ཞོན་པ་དང་།རྨུགས་འཛིན་དང་།གང་བཟང་དང་།ནོར་བུ་བཟང་དང་།ཀུ་བེ་ར་དང་།ཡང་དག་ཤེས་དང་།འབྲོག
332b3 གནས་དང་།ལྔས་རྩེན་དང་།པི་ཙི་ཀུཎྜ་ལི་རྣམས་ལ་མཁ་བ་སྦྱིན་པར་བྱའོ།།འདི་རྣམས་རྟ་ལ་ཆིབས་པ་ལ།།འོད་དང་ལྡན་ཞིང་མེ་ལོང་ཅན།།རས་དཀར་གཙང་མས་གསལ་བྱས
332b4 །གསལ་སྣང་ཀུན་ནི་བྲི་བར་བྱ།།ཡང་ན་ཀུན་ཀྱང་སྦྲུལ་ནོག་ཆིབས།།འཇིགས་པའི་མཚོན་ཆ་ཕྱག་ན་བསྣམས།།བསྐུལ་བ་དག་པར་དབང་བྱས་ན།།མངོན་སྤྱོད་ལས་ཀུན་བྱེད
332b5 པར་འགྱུར།།དྲག་པོ་དགུ་དང་ཉི་ཤུ་བརྒྱད།།ས་གསུམ་ཁྱབ་པ་སྤྲོས་ནས་ནི།།སྔགས་གྲུབ་སྟོབས་ཀྱིས་བདག་བྲན་བྱེད།།དུས་ཚོད་དུས་ལ་མཆོད་པ་བྱེད།།དེ་ནས་དངུལ
332b6 ཁས་འཇིགས་པ་ལ།།རྨུགས་འཛིན་སྒྲུབ་པ་ཡིད་འོང་བཤད།།ཀུན་ཀྱང་གཏེར་རྣམས་མནན་པ་ལ།།རིན་ཆེན་འབར་བས་ཁྱིམ་འགེངས་པ།།སྦྱོར་གྲང་རྡོ་རྗེ་ཆུས་འགྲུབ་འགྱུར།།
332b7 པདྨ་ཟླ་དང་གཏེར་ཆེན་ལ།།ཛཾ་ལས་བྱུང་བའི་གནོད་སྦྱིན་དགུ།།བཀླག་ལ་རང་རང་གསང་སྔགས་ཀྱིས།།ཆུ་དང་བཅས་པའི་མཆོད་སྦྱིན་འབུལ།།འདི་ནི་སྔགས་ཀྱི་རྐང་པ་རྣམ་སོ།།
iiif viewer powered by OpenSeadragon
