| e-texts navigator |
| Wylie |
327b1 རྡོ་རྗེ་ཐམས་ཅད་མུ་མེད་པ་ཉིད་དོ།།ཤེས་རབ་ཀྱི་ཕ་རོལ་ཏུ་ཕྱིན་པ་དུ་མ་ཉིད་པས་ཆོས་ཐམས་ཅད་དུ་མ་ཉིད།།ཤེས་རབ་ཀྱི་ཕ་རོལ་ཏུ་ཕྱིན་པ་མཐར་ཐུག་པ་མེད་པ་ཉིད་པས་ལས་ཐམས་ཅད་མཐར
327b2 ཐུག་པ་མེད་པ་ཉིད་ཡིནོ།།གང་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ཉན་པ་དང་།འཆང་བ་དང་།ཀློག་པ་དང་།སྟོན་པོ་དང་།བརྗོད་པ་དང་།སྒོམ་པ་དེ་སངས་རྒྱས་དང་།བྱང་ཆུབ།
327b3 སེམས་དཔའི་སྤྱོད་པ་མཐར་ཐུག་པ་མེད་པའི་མཐར་ཕྱིན་ཏེ་སྒྲིབ་པ་ཐམས་ཅད་ཟད་ནས།དེ་བཞིན་གཤེགས་པའམ་རྡོ་རྗེ་འཛིན་པར་མྱུར་དུ་འགྱུར་རོ།།དེ་ནས་དེ་བཞིན་གཤེགས་པ་ཐམས
327b4 ཅད་འདུས་ཏེ།ཆོས་ཀྱི་རྣམ་གྲངས་འདི་དོན་ཡོད་པ་དང་།ཐོགས་པ་མེད་པར་མྱུར་དུ་གྲུབ་པར་བྱ་བའི་ཕྱིར་ལག་ན་རྡོ་རྗེ་ལ།ལེག་སོ་ཞེས་བྱ་བ་བྱིན།།སེམས་ཅན་ཆེན་པོ་ལེགསོ་ལེགས།།།
327b5 བདེ་བ་ཆེན་པོ་ལེགསོ་ལེགས།།ཐེག་པ་ཆེན་པོ་ལེགསོ་ལེགས།།བློ་གྲོས་ཆེན་པོ་ལེགས་ལེགས།།ཆོ་ག་འདི་ནི་ལེགསྡེ་པར་སྨྲས།།སངས་རྒྱས་རྡོ་རྗེ་འཛིན་ཀུན་གྱིས།།འབྲས་བུ་ཡོད་པ
327b6 འདུལ་བའི་མཆོག།རྡོ་རྗེའི་མདོ་འདིའི་བྱིན་གྱིས་བརླབས།།ཆོ་གའི་རྒྱལ་པོ་བླ་ན་མེད།།གང་རྣམས་འདི་དག་འཛིན་པ་ནི།།བདུད་ལ་སོགས་པ་ཐམས་ཅད་ཀྱིས་དེ་དག་མི་སོད་མི་ཚུག་སོ།།སངས
327b7 རྒྱས་བྱང་ཆུབ་སེམས་དཔའ་དང་།།དངོས་གྲུབ་དམ་པ་ཐམས་ཅད་ཀྱང་།།སངས་རྒྱས་ཀུན་གྱིས་གསུངས་པ་བཞིན།།རིང་པོར་མི་ཐོགས་འཐོབ་པར་འགྱུར།།དེ་སྐད་གསུངས་ནས་གསང
iiif viewer powered by OpenSeadragon
