| e-texts navigator |
| Wylie |
206a1 ནི་དབང་དུ་འགྱུར།།ཆོས་ཀྱི་ལ་ངར་ལ་ཡང་དག་ལྡན།།རྡོ་རྗེ་འགུགས་དང་རྒལ་ལྡན་དང་།།ངེས་བྱེད་རིན་ཆེན་གཟི་བརྗིད་དང་།།རྒྱལ་མཚན་གཞད་པ་ཡང་དག་ལྡན།།
206a2 དང་རྐུན་པོ་གཙོ་བོ་མཆོག།རྒྱུ་དང་གཏུམ་པ་དྲག་པོ་ཆེ།།ལས་དང་སྲུང་བ་གནོད་སྦྱིན་གྲུབ།།སྣ་ཚོགས་སྦྱོར་བ་ཡང་དག་ལྡན།།འཁོར་ལོའི་རྣམ་པར་འཕྲུལ་པ་འབྱུང་།།དེ་ལྟ་བུ་ཡི་སྦྱོར།།
206a3 བ་ཡིས།།རྡོ་རྗེ་འཁོར་ལོ་ཀུན་ཏུ་བྲི།།རྡོ་རྗེ་འཛིན་ཀུན་སློབ་དཔོན་གྱིས།།དཀྱིལ་འཁར་འདིར་ནི་གཞུགས་པར་བྱ།།བུ་དྲང་སློང་མ་མིན་པ་ལ།།གསང་བའི་ཚོགས་ཚན་སྦྱིན་མི་བྱ།།གཞོན
206a4 དུ་སྐལ་པ་དང་ལྡན་པ།།གཞུང་འདི་ཁྱེད་ཀྱིས་ཅི་བདེར་བྱིན།།དེ་བཞིན་གཤེགས་པ་ཐམས་ཅད་ཀྱི་གསང་བའི་མདོ་སྡེའི་དབང་པོའི་རྒྱལ་པོ་ཤིན་ཏུ་གསང་བའི་རྣལ་འབྱོར་མཆོག་ཏུ་གསང
206a5 བརྟོག་པའི་རྒྱལ་པོ་ཆེན་པོ་རྡོ་རྗེ་རྩེ་མོ་ལས་རྡོ་རྗེ་རིགས་ཀྱི་དེ་ཁོ་ན་ཉིད་ཤིན་ཏུ་གསང་བའི་བཤད་པ་སྟེ་ལེའུ་བཞི་པ་རྫོགས་སོ།།།།དེ་ནས་བཅོམ་ལྡན་འདས་རྣམ་པར
206a6 སྣང་མཛད་དེ་བཞིན་གཤེགས་པ་ཐམས་ཅད་དང་བཅས་པས་སླར་ཡང་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་རྡོ་རྗེ་སེམས་དཔའ་ལ་མཚན་བརྒྱ་རྩ་བརྒྱད་པ་འདིས་གསོལ
206a7 བ་བཏབ་པར་གྱུར་ཏོ།།རྡོ་རྗེ་ཧཱུཾ་མཛད་རྡོ་རྗེ་མཆོག།རྡོ་རྗེ་མཆོག་འཛིན་རྡོ་རྗེའི་མདའ།།རྡོ་རྗེ་ཁྲོ་གཉེར་རྡོ་རྗེའི་ལུས།།རྡོ་རྗེ་འབར་བ་རྒྱལ་མཚན་ཆེ།།རྡོ་རྗེ་གང་རྒྱངས་རྡོ་རྗེའི་བདག
iiif viewer powered by OpenSeadragon
