| e-texts navigator |
| Wylie |
203a1 གྱུར་ན།།འགྲུབ་འགྱུར་འདི་ལྔ་ཐེ་ཚོམ་མེད།།དཀྱིལ་འཁོར་འདི་ནི་འདུད་བྱ་ཞིང་།།འདོད་པའི་ཡོན་ཏན་མཆོག་ལྔ་ཡིས།།རོལ་ཅིང་དགའ་བ་ཉིད་དུ་བྱ།།མད
203a2 སྔགསང་དབང་ལས་བཤད་པ།།གསང་བ་ལྔ་ནི་རབ་སྒྲུབ་པ།།འདོད་པའི་ཡོན་ཏན་ལྔ་རུ་བ་ཤད།།དེ་བཞིན་གཤེགས་པའི་རིགས་ལ་སོགས།།འདོད་པའི་ཡོན་ཏན་ལྔ་རུ་བརྗོད།།
203a3 འདོད་པའི་སྦྱར་བ་འདི་ཡིས་ནི།།སྐལ་པ་ཅན་གྱིས་དངོས་གྲུབ་ཐོབ།།གསང་བ་དེ་ཉིད་ཆེན་པོ་སྟེ།།རིགས་ལྔ་དག་ནི་རབ་སྒྲུབ་པ།།འདོད་ཆགས་ཆེན་པོ་རབ་སྒྲུབ་ཕྱིར།།རོལ
203a4 ཅིང་རབ་ཏུ་དགའ་བར་བྱ།།བདེ་བ་ཆེན་པོ་གྲུབ་དོན་དུ།།སྤྱོད་པ་ཆེན་པོ་ཚུལ་ཆེན་པོ།།དེ་ཉིད་རྣལ་འབྱོར་ཀུན་བསྡུས་པ།།དེ་ནས་ཡང་དག་བཤད་པར་བྱ།།རྡོ་རྗེ་ཧཱུཾ་མཛད་རྣ་ཁྱོར
203a5 གྱིས།རྣལ་འབྱོར་བྱ་བ་བསྒྲུབ་པར་བྱ།།ཇི་ལྟར་ཡི་གེ་ཧཱུཾ་ལས་བྱུང་།།གསང་བ་རྒྱལ་པོ་ཆེན་པོ་བྱེད།།རྡོ་རྗེ་ཧཱུཾ་མཛད་སྦྱོར་བ་ཡིས།།རྣལ་འབྱོར་བྱ་བ་བསྒྲུབ་པར་བྱ།།དེ་ལྟར་མིན་ན་ཕྱག
203a6 རྒྱ་ཆེ།།དམ་ཚིག་ཞེས་བྱ་གཏན་མི་འགྲུབ།།ཕྱག་རྒྱ་ཆེན་པོ་མདོར་བསྡུས་ནས།།རྡོ་རྗེ་ཕྱག་རྒྱ་ཡོངསུ་གཟུང་།།དེ་ནས་གྲུབ་པའི་ཕྱག་རྒྱ་ཆེ།།གྲུབ་པ་ཚེ་ག་ཡང་དག་གིས།།མྱུར་དུ་རབ
203a7 ཏུ་འགྲུབ་འགྱུར་བ།།རྨད་བྱུང་ཆེན་པོ་རབ་བཤད་བྱ།།ོཾ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུ~ཾ།།ཟླ་བའི་དཀྱིལ་འཁོར་གང་བར་བཞུགས།།ཕྱག་རྒྱ་ཆེན་པོ་ཡོངསུ་གཟུང་།།རྡོ་རྗེ་སྔགས
iiif viewer powered by OpenSeadragon
