| e-texts navigator |
| Wylie |
381a1 པར་བྱ།།དེ་ལ་དེ་ཡི་གཟུགས་ཀྱི་སྐུ།།ནམཁའ་ཁམས་ཀུན་གང་བ་ཡི།།བྲལ་བའི་ཤེས་པས་དོར་བྱེད་པ།།གཞན་གྱི་དཔལ་དུ་ཤེས་པར་བྱ།།དེ་རྣམས་རྒྱུ་ལས་བྱུང་བ་ཡི།།ཡེ་ཤེས་ཤེས
381a2 རབ་ཤིན་ཏུ་གསང་།།གསང་བ་རྣམ་པར་འགྲུབ་པ་ཡི།།རྡོ་རྗེ་སྙིང་པོའི་རྒྱན་ཅེས་བྱ།།ལྷ་མོ་ལས་བྱུང་བདེ་དང་ལྡན།།འཇའ་མཚོན་ལྟར་གསལ་རྒྱུད་དག་པ།།སྣང་བའི་སྐུ་དེ་མི་ཤིགས་པ།།རྡོ་རྗེ་ང་ཡིས་ཡང
381a3 དག་བསྒྲེགས།།སྣང་ཞིང་སྲིད་པའི་ཆོས་རྣམས་ཀུན།།བསྡུས་ཕྱིར་བསགས་པའི་སྐུ་དམ་པ།།རྟོག་བྲལ་རྒྱུད་དུ་སིམ་གནས་པ།།འབྱུང་ཕྱིར་སྙིང་པོ་ཞེས་སུ་བསྒྲགས།།དག་དང་མ་དག་ཐམས་ཅད་ལ།།འཇོ
381a4 བ་ཇི་སྲིད་པར་སྣང་བ།།གཉིས་ཀ་མཛེས་པར་བྱེད་པས་ན།།རྒྱན་དུ་ཡང་དག་བསྒྲགས་པ་ཡིན།།དཔལ་དང་རྡོ་རྗེ་སྙིང་པོ་དང་།།རྒྱན་ཅེས་བྱ་བ་བཞི་པོ་ནི།།འབྲེལ་ཅིང་གྲུབ་པར་བྱེད་པའི་ཕྱིར།།རྒྱུད་ཅེས་བྱ་བར་བཤད
381a5 པའོ།།ཆོས་ཀྱི་ཕུང་པོ་བརྒྱད་ཁྲི་དང་།།བཞི་སྟོང་གི་ནི་གྲངས་སྙེད་ཀྱི།།མཚན་གྱི་དོན་ནི་འདི་དོན་དུ།།ཡང་དག་འདུས་པར་ངས་བཤད།།གཞན་དུ་དོན་ནི་མ་བསྒྲགས་པ།།བླ་མ་ལ་ནི་གུས་པ་ཡི།།སློབ་མ་ལ་ནི
381a6 མ་རྟོགས་པའི།།རྒྱུད་གཞན་དག་ཏུ་སྦས་པའོ།།དོན་འདི་ཡང་དག་མ་ཤེས་ན།།ཇི་སྙེད་དོན་ནི་བསམ་ཡས་པ།།ཤེས་ཀྱང་དེ་ཡི་འབྲས་བུ་མེད།།དེ་འདོད་མཉེས་བྱས་ཡང་དག་བླང་།།དཔལ་རྡོ་རྗེ་སྙིང་པོ་རྒྱན
381a7 གྱི་རྒྱུད་ལས་ཡེ་ཤེས་གསུམ་གྱི་མཚན་འབྱུང་བ་ཞེས་བྱ་བའི་ལེའུ་སྟེ་དགུ་པའོ།།།།རྟག་པར་མི་ཕྱོགས་སྨྲ་བ་དང་།།བླ་མ་སྨོད་བྱེད་བརྩོན་པ་ལ།།དམ་ཚིག་ཕྱིར་ནི་ཡོངས་བསྒྲལ་བྱ།།དེ་ཡི་ཤ
iiif viewer powered by OpenSeadragon
