| e-texts navigator |
| Wylie |
380b1 དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་བྱང་ཆུབ་ཀྱི་སྙིང་པོའི་རྒྱན་གཙུག་ཏོར་འབྱུང་བའི་ལེའུ་སྟེ་བརྒྱད་པ།།དེ་ནས་ཡང་རྡོ་རྗེ་མཁའ་འགྲོ་མ་ཐམས་ཅད་འདུས་ནས་དེ་བཞིན་གཤེགས་པ་ཐམས་ཅད
380b2 དབང་ཕྱུག་རྡོ་རྗེ་འཛིན་པ་ལ་ཕྱག་འཚལ་ནས་འདི་སྐད་ཅེས་གསོལ་ཏོ།།འདི་ཡི་དཔལ་ནི་གང་ཞིག་ལགས།།རྡོ་རྗེ་དང་ནི་སྙིང་པོ་དང་།།དེ་བཞིན་རྒྱན་གྱི་དོན་ནི་ཅི།།ཀྱེ་ཧེ་མཆོག་དེ་བསྟན་དུ་གསོལ།།དེ་ནས་དེ་བཞིན་གཤྱེ
380b3 པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པས་དེ་དག་ལ་འདི་སྐད་ཅེས་བཀའ་སྩལ་ཏོ།།འདི་ནི་ཐུན་མོང་མ་ཡིན་པའི།།གསང་བའི་རྒྱུད་དུ་རབ་སྦས་པ།།ཇི་བཞིན་གནས་པའི་དེ་ཁོ་ན།།ཡང་དག་བསྟན་གྱིས་རྩེ་གཅིག་ཉོན།།
380b4 ལུས་ངག་ཡིད་གསུམ་བདེ་དམ་པས།།ལྷ་མོ་ལས་ནི་བསྐྱོད་བྱ་སྟེ།བྱང་ཆུབ་ཆེན་པོ་བདེ་བ་ཡིས།།ཚུལ་བཞིན་དུ་ནི་སྔགས་པས་བྱ།བསྐུལ་བའི་སྙིང་པོས་འདི་སྨྲ་སྟེ།།ཛཿཞེས་སྐད་ཅིག་སྐད་ཅིག་ཏུ།རང་གིཿ
380b5 ན་གནས་པ་ཡིས།།དེ་ཉིད་ལྷ་ཉིད་བསྐྱེད་པར་བྱ།།བཅུ་དྲུག་ཚེ་དང་ཡང་དག་ལྡན།།ཟླ་བ་གསང་བའི་ཐིག་ལེ་ལ།།མེ་ཏོག་དང་ནི་འདྲ་བ་ཉིད།།རླུང་གིས་ཕུལ་བས་བསྐྱོད་པར་བྱ།།དེ་བཞིན་བསྐྱོད་པས་བསྒྲུབ
380b6 པར་བྱ།།དེ་བཞིན་དུ་ཡང་བསྐུལ་བྱ་བ།།རྒྱུད་ཀྱི་ཕྲེང་ནི་འོད་གསལ་བཞིན།།སྟེང་དང་མདུན་དུ་རྩ་གཉིས་ལས།།བཅུ་དྲུག་གནས་སུ་ཡང་དག་གནས།།དེ་ལྟ་སྙིང་དབུས་རབ་ཞུ་ཌོཾ་ཏེ།།རླུང་གི་སྦྱོར་བས་ཕུལ་བྱིས
380b7 པས།།སྟེང་དང་མདག་རབ་མཛེས་རྫོགས་སྐུ།།བདག་གི་དཔལ་དུ་ཤེས་པར་བྱ།།དེ་ལས་བྱུང་བའི་དངོས་གྲུབ་ཆེ།།ནོར་བུ་ལ་གནས་རྟོག་བྲལ་བ།།ཐིག་ལེ་ཡིག་མེད་བསྡུས་པའི་སྐུ།།ལྷན་ཅིག་སྐྱེས་པར་ཤེས
iiif viewer powered by OpenSeadragon
