| e-texts navigator |
| Wylie |
378a1 པ་ཡིན།།ཡང་དག་ཡིན་པ་མཆོད་པར་བྱ།།སྦྱིན་བསྲེག་དེ་ཉིད་ལ་བསྐུལ་ཞིང་།།དང་པོ་དགང་བླུགས་སྲེག་ཅིང་དབུལ།།ཕྱིས་ནི་རིམ་བཞིན་རྣམ་པར་སྤེལ།།ཞི་དང་རྒྱས་དང་།
378a2 དབང་རྣམས་ལ།།དགེ་བའི་རྫས་རྣམས་སྦྱིན་བསྲེག་བྱ།།བཤང་ག་ཙོ་ཁྲག་རྐང་རུས་པ་དང་།།ཤ་ཆེན་དག་ཀྱང་སྦྱིན་བསྲེག་བྱ།།ཅི་སྟེ་ཡེ་ཤེས་སེམས་དཔའི་ཞལ།།མི་གཙང་བ་ཡིས་བཀང་ན
378a3 གོ།ཅི་ལྟར་སྡིག་པ་སྐྱེ་མི་འགྱུར།།གལ་ཏེ་སྡིག་འགྱུར་འབྲས་བུ་གང་།།སེམས་ཅན་མི་ཤེས་པས་རྨོངས་པ།།ཐོངས་དང་ཤེས་རབ་རྣམ་སྤངས་ཤིང་།།ཕྱི་རོལ་དངོས་ལ་མངོན་ཞེན་པ།།རྣམ་རྟོག
378a4 དྲ་བས་བླུགས་བྱ་ས་གང་།།དེ་དག་གིས་ནི་དགེ་སྡིག་གི།ཕུང་པོ་གཉིས་སུ་རྣམ་པར་བརྟགས།།ཆོས་འདི་རང་བཞིན་གྱིས་དག་སྟེ།།སྐྱེ་བ་མེད་ཅིང་གནས་མེད་ཀྱང་།།སེམས་ཅན་ཤེས་པ་སྤེལ་བའི།
378a5 ཕྱིར།།སངས་རྒྱས་རྣམས་ཀྱིས་ཐབས་སུ་བསྟན།།དམ་པའི་དོན་དུ་དགེ་སྤངས་ནས།།བསོད་ནམས་མིན་པ་ཅི་ཞིག་སྨོས།།དཔེར་ན་མི་གང་ཆུ་ཀླུང་གི།ཕ་རོལ་འགྲོ་བའི་སེམས་ཅན་དག།རྩཝ་དང
378a6 ཤིང་ལ་སོགས་བསྡུས་ནས།།ཚུལ་རྒལ་བའི་གཟེངས་བྱས་ཏེ།།དེ་ལས་འཇུག་སྟེ་ལེགས་རྒལ་ནས།།བོར་ཏེ་བདེ་བར་འགྲོ་བ་ལྟར།།དེ་བཞིན་འཁོར་བའི་ཕ་རོལ་གྱི།།ཆོས་ཀྱི་ལམ་ནི་བསྐྱེད
378a7 བྱས་ཀྱང་།།ཆོས་དང་ཆོས་མིན་རྣམ་སྤངས་ནས།།བྱང་ཆུབ་བདེ་བ་ཐོབ་པ་ནི།།དེ་ཕྱིར་རྣམ་རྟོག་རྣམ་སྤངས་ལ།།ཟབ་མོ་ཡི་ནི་ཆོས་སྤེལ་ཏེ།།དེ་བཞིན་གཤེགས་པས་གསུངས་རྣམས་ལ།།སྔོགས
iiif viewer powered by OpenSeadragon
