| e-texts navigator |
| Wylie |
350b1 རྒྱས་མངོན་པར་འདུས་བྱས་པའི་རྡོ་རྗེ་དང་པདྨ་མཉམ་པར་སྦྱར་བ་མེད་པར་རྣམ་པར་ཤེས་པ་གསུམ་ཉེ་བར་མཚོན་པར་མི་ནུསོ།།གང་གིས་བྷ་ག་དང་ལིང་ག་ཡང་དག
350b2 པར་སྦྱོར་བར་མི་ནུས་པ་དེས་ནི་བདེ་བ་ཆེན་པོའི་ཏིང་འཛིན་མི་རྙེད།།བདེ་བ་ཆེན་པོའི་ཏིང་འཛིན་འབའ་ཞིག་ལ་ལྷག་པར་མོས་པ་ཙམ་གྱིས་ནི་ལུས་དང་པོ་པའི་ས་ལ་གནས་པར་འགྱུར་ཏེ།ཕྱིར
350b3 མི་ལྡོག་པ་ལ་ཡང་སློབ་པར་འགྱུརརོ།།གང་རྡོ་རྗེ་དང་པདྨ་མཉམ་པར་སྦྱོར་བའི་བདེ་བས་རང་བཞིན་སྣང་བ་ཡང་དག་པར་ཉེ་བར་མཚོན་པར་བྱེད་པ་དེ་ནི་བདེ་བ་ཆེན་པོའི་གོ་འཕང་ལ་རབ་ཏུ
350b4 གནས་པར་འགྱུརརོ།།འདི་ནི་སྦས་པའི་བཤད་པའོ།།བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གསོལ་པ།བཅོམ་ལྡན་འདས་ཅིའི་དོན་ཇི་ལྟར་ལགས།བཅོམ་ལྡན
350b5 འདས་ཀྱིས་བཀའ་སྩལ་པ།ཉན་ཐོས་ལ་སོགས་པ་འདོད་ཆགས་དང་བྲལ་བའི་ཆོས་སྤྱོད་པ་རྣམ་པར་རྟོག་པའི་བག་ཆགས་ལས་མ་གྲོལ་བ་རྣམས་རྣལ་འབྱོར་ཆེན་པོའི་རྒྱུད་དག་ཏུ
350b6 བཙུན་མོའི་བྷ་ག་ལ་བཞུགས་ཞེས་བྱ་བ་ལ་སོགས་པ་འདོད་ཆགས་ཀྱི་ཆོས་གསལ་བར་བྱེད་པ་ངོ་མཚར་ཅན་གྱི་རྡོ་རྗེའི་ཚིག་ཐོས་ནས་སྨོད་པར་བྱེད་པ་དེ་རྣམས་དང་མི་འགལ་བའི་སྒོནྡ།
350b7 བཤད་པ་དེ་ནི་སྤྱིའི་དོན་དུ་བཤད་པོ་གསུངས་པའོ།།བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གསོལ་པ།བཅོམ་ལྡན་འདས་འདོད་ཆགས་ལ་སྤྱོད་པའི་ཆོས་ཀྱི་ཚུལ་དུ
iiif viewer powered by OpenSeadragon
