| e-texts navigator |
| Wylie |
334b1 བཤད་པའོ།།ཟློས་ན་བསམ་གཏན་རྣམ་བྲལ་བར།།དེ་ཡི་ལྷུན་གྲུབ་འབྲས་བུ་སྟེ།།རང་བཞིན་གྲུབ་པ་འདི་ཡིན་ཏེ།།འདོད་པའི་བཟླས་པར་དེ་བཤད།།རྣལ་འབྱོར་པ་ལ།
334b2 དེ་གསལ་ཏེ།།བྱིས་པ་རྣམས་དེ་ལ་ཕྱིན་ཅི་ལོག།རྐྱེན་ལས་བྱུང་བ་དེ་ཉིད་བསུམ།།དངོས་པོ་མེད་པར་དེ་བཤད།།དེ་ཉིད་བསྡུས་པ་བཤད་པ་ནི།།ཡིད་མིན་པ་ཡི་བཟླས་པར་འགྱུར།།ཡིད
334b3 སྟོན་གཅིག་ནི་མདོར་བསྡུས་ལས།།རིངས་དང་དལ་དང་གནས་པ་རྣམས།།ཞི་བའི་ཆོས་ཉིད་ལ་སྐྱེ་སྟེ།།ནམ་མཁའི་དབྱིངས་དང་མཉམ་པར་ཐིམ།།དངོས་པོ་མེད་པའི་དེ་ཉིད་འདི།།རྟེན་འབྱུང་ཆོས
334b4 ཞེས་བྱ་བ་ཡིན།།ལོངས་སྤྱོད་རྫོགས་པའི་བསྡུས་ཏེ་གྱུར།།སྤྲུལ་པ་བསམ་མི་ཁྱབ་ཅེས་དབེན།།སྡུད་པ་པོར་ནི་གང་གྱུར་པ།།དེ་ཡང་ཕུལ་དུ་གྱུར་པའི་མིང་།།རྡོ་རྗེ་ལ་སོགས་ཡང་དག་སྦྱར།
334b5 སེམས་ཅན་རྣམས་ནི་དེ་སྦྱོར་བྱེད།།དམ་ཚིག་ལ་སོགས་སྔོན་དེ་ནི།།དེ་ཉིད་ཀྱིས་ནི་རྡོ་རྗེ་སྦྱར།།སེམས་ཅན་དགོངས་པའི་སྦྱོར་བ་ཡིས།།དེ་ཡི་ཆོས་རྣམས་སྟོན་པར་བྱེད།།རྣམ་པ་དགུ
334b6 པོ་ཐོག་མཐའ་ཅན།།སྡུད་པ་པོ་རྣམས་བྱས་པ་ཡིན།།གསང་སྔགས་དེ་ཉིད་གནས་དགོད་པས།།སེམས་ཅན་རྣམས་ནི་དོར་འཇོག་སྟེ།།གསོལ་བ་འདེབས་དང་ཕྱག་འཚལ་དང་།།འཇིག།
334b7 རྟེན་རྣམས་ལ་གསོལ་བ་དང་།།རྫོགས་སངས་རྒྱས་རྣམས་མཉེས་བྱེད།།ཁྱོད་ཀྱི་ཐལ་མོར་གནས་པ་ཡིན།།གང་ཞིག་སེམས་ཅན་སངས་རྒྱས་གྱུར།།དེ་བཞིན་གཉིས་མེད་ཆོས་ཉིད
iiif viewer powered by OpenSeadragon
