| e-texts navigator |
| Wylie |
152a1 གཤེགས་པ་ཐམས་ཅད་ཀྱི་སྤྱོད་པའི་རྡོ་རྗེ་གང་ཡིན་པ་དེ་ལ་དད་ཅིང་སྒོམ་པར་འགྱུར་རོ།།དེ་བཞིན་གཤེགས་པ་ཐམས་ཅད་ཀྱིས་གསེལ་པ།གསུམ་པོ་གང
152a2 ཞིག་ལགས།རྡོ་རྗེ་འཛིན་པས་བཀའ་སྩལ་པ།དེ་བཞིན་གཤེགས་པ་ཐམས་ཅད་ཀྱི་སྐུ་རྡོ་རྗེ་དང་།དེ་བཞིན་གཤེགས་པ་ཐམས་ཅད་ཀྱི་གསུང་རྡོ་རྗེ་དང་།དེ་བཞིན་གཤེགས་པ
152a3 ཐམས་ཅད་ཀྱི་ཐུགས་རྡོ་རྗེ་སྟེ་གསུམོ།།དེ་ནས་དེ་བཞིན་གཤེགས་པ་དེ་དག་ཐམས་ཅད་ཀྱིས།བཅོམ་ལྡན་འདས་ཕྱག་ན་རྡོ་རྗེ་ལ་ཕྱག་འཚལ་ནས་ཅང་མི་གསུང་བར་གྱུར་ཏོ།།
152a4 དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས།དེ་བཞིན་གཤེགས་པ་ཐམས་ཅདེ་དང་།བྱང་ཆུབ་སེམས་དཔའ་དེ་དག་ལ་བཀའ་སྩལ་པ།བཅོམ་ལྡན
152a5 འདས་དེ་བཞིན་གཤེགས་པ་ཐམས་ཅད།སྔོན་བྱུང་བ་ན་བརྗོད་ཀྱིས་མི་ལང་བའི་ཡང་བརྗོད་ཀྱིས་མི་ལང་བའི།སངས་རྒྱས་ཀྱི་ཞིང་རྡུལ་རབ་ཏུ་ཕྲ་བ་དང་མཉམ་པའི་བསྐལ་པ
152a6 ཡང་འདས་ནས།གང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་འདས་པ་ནས།ཐུབ་པ་ཆེན་པོ་འོད་སྲུང་མངོན
152a7 པར་སངས་རྒྱས་པའི་བར་གྱིས་ཀྱང་མ་གསུངསོ།།དེ་ཅིའི་ཕྱིར་ཞེ་ན།བཅོམ་ལྡན་འདས་གསང་བ་ཆེན་པོའི་གནས་ཀྱི་དོན་བཤད་པ་དེ།དེའི་ཚེ་དེའི་དུས་ན་སེམས་ཅན་རྣམས་ལ
iiif viewer powered by OpenSeadragon
