| e-texts navigator |
| Wylie |
198a1 ཆོས་ཡོད་པ་དེ།བདག་ལ་སྟོན་པར་གྱུར་ན།དེ་ཡིད་དང་མི་འགལ་བར་ཅི་དང་ཅི་འདོད་པ་སྦྱིན་ནོ་ཞེས་བསྒྲགས་ཀྱང་སྟོང་ནུས་པ་མ་བྱུང་ངོ་།།
198a2 དེའི་ཚེ་ན་རྒྱལ་པོ་དེ་མྱ་ངན་གྱིས་ཡིད་གདུངས་ཏེ།མི་དགའ་བར་གྱུར་པ་ངལ་བསོ་པོས་ཐོས་ནས་སད་པའི་སླད་དུ།བདག་གིས་ལུས་གནོད་སྦྱིན་ནག་ཏུ་སྤྲུལ་ནས
198a3 དེའི་མདོག་ཤིན་ཏུ་སྤྲོ་བ་གནག་པ།མིག་ཁྲག་ལྟར་དམར་བ།མཆེ་བ་གྱེན་ཏུ་བྱུང་བ།སྐྲ་གྱེན་ཏུ་བསྒྲེང་བ།ཁ་ནས་མེ་འབར་བ།ཕོ་བྲང་གི་སྒོར་མཆིམ
198a4 ནས།སུ་ཞིག་ཆེས་ཐོས་པར་འདོད་པ་པ་ལས་ཉོན་ཅིག་ཅེས་སྨྲས་སོ།།རྒྱལ་པོས་དེ་སྐད་ཅེས་སྨྲས་པ་ཐོས་ནས་ཤིན་ཏུ་དགའ་མགུ་སྟེ།གནོད་སྦྱིན་དེ་བསུ
198a5 ནས་མགོ་བོས་ཕྱག་བྱས་ཏེ།སྟན་མཐོན་པོ་ལ་བཞག་ནས་བློན་པོ་དང་།འཁོར་མང་པོ་དག་བསྡུས་ཏེ།ཆོས་ཉན་དུ་བཞུག་པའི་སླད་དུ་འཁོར་བར
198a6 བསྐོར་ཏོ།།དེའི་ཚེ་ན་གནོད་སྦྱིན་གྱིས་རྒྱལ་པོ་ལ་འདི་སྐད་ཅེས་སྨྲས་སོ།།རྒྱལ་པོ་ཆོས་ཐོས་པར་བྱ་བ་ནི་ཤིན་ཏུ་དཀའ་བས།ཆོས་ཉན་པར་འདོད་ན།
198a7 འདི་ཙམ་གྱིས་ཆོག་པ་མ་ཡིན་ནོ།།ཞེས་སྨྲས་པ་དང་རྒྱལ་པོས་དེ་ལ་ཐལ་མོ་སྦྱར་ཏེ།ཁྱོད་ཅི་དང་ཅི་འདོད་པ་དེ་མི་འགལ་བར་ཐམས་ཅད་སྦྱིན་ནོ་ཞེས་སྨྲས་སོ།།
iiif viewer powered by OpenSeadragon
