| e-texts navigator |
| Wylie |
424a1 བཅོས་པའི་ཆང་བག་མེད་པའི་གནས་ཀྱི་ཉེས་དམིགས་སུམ་ཅུ་རྩ་ལྔ་ནི་འདི་དག་ཡིན་པར་རིག་པར་བྱ་སྟེ།སུམ་ཅུ་རྩ་ལྔ་པོ་དག་གང་ཞེ་ན།ཚོ་འདི་ལ་ནོར་ཟད
424a2 པ་དང་།ནད་རྣམས་རྒྱས་པར་བྱེད་པ་དང་།འཐབ་པ་དང་རྩོད་པ་སྐྱེད་པ་དང་།དོན་མེད་པ་ལ་ལྟ་བ་དང་།གྲགས་པ་མ་ཡིན་པ་ཀུན་ཏུ་འབྱུང་བར་བྱེད་པ་དང་།ཤེས་རབ་ཉམ་ཆུང་བར་བྱེད་པ་དང་།།
424a3 ལོངས་སྤྱོད་ཐོབ་པ་མི་འཐོབ་པར་འགྱུར་བ་དང་།ལོངས་སྤྱོད་ཐོབ་པ་ཡོངསུ་ཟད་ཅིང་ཡོངས་སུ་གཏུགས་པར་འགྱུར་བ་དང་།གསང་མི་ཐུབ་པར་འགྱུར་བ་དང་།དེ་ལས་ཀྱི་མཐའ
424a4 ཡོངས་སུ་འགྲིབ་པ་དང་།མཐུ་སྟོབས་ཆུང་ངུར་བྱེད་པར་འགྱུར་བ་དང་།མར་མི་འཛིན་པར་འགྱུར་བ་དང་།པར་མི་འཛིན་པར་འགྱུར་བ་དང་།དགེ་སྦྱོང་དུ་མི་འཛིན་པར་འགྱུར
424a5 བ་དང་།བྲམ་ཟེར་མི་འཛིན་པར་འགྱུར་བ་དང་།རིགས་ཀྱི་གཙོ་བོ་ལ་བསྙེན་བཀུར་མེད་པར་འགྱུར་བ་དང་།སངས་རྒྱས་ལ་མི་གུས་པར་འགྱུར་བ་དང་།ཆོས་ལ་མི་གུས་པར
424a6 འགྱུར་བ་དང་།དགེ་འདུན་ལ་མི་གུས་པར་འགྱུར་བ་དང་།བསླབ་པ་ཡང་དག་པར་བླངས་པ་ལ་མི་གུས་པར་འགྱུར་བ་དང་།ཚུལ་ཁྲིམས་འཆལ་བར་འགྱུར་བ་དང་།དབང
424a7 པོའི་སྒོ་མ་བསྡམས་པར་འགྱུར་བ་དང་།བག་མེད་པར་ཤིན་ཏུ་བུད་མེད་དོན་དུ་གཉེར་བ་དང་།ཉེ་དུ་དང་སྣག་གི་གཉེན་མཚམས་དང་མཛའ་བཤེས་དང་བློན་པོ་དག་གིས་སྤོང་བར།།
iiif viewer powered by OpenSeadragon
