| e-texts navigator |
| Wylie |
422a1 ལྡན་འདས་ཀྱིས་དགེ་བསྙེན་དགའ་བ་ཅན་ལ་འདི་སྐད་ཅེས་བཀའ་སྩལ་ཏོ།།དགའ་བ་ཅན་ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་ཞུ་བར་སེམས་པ་གང
422a2 ཡིན་པ་ལེགས་སོ་ལེགས་སོ།།ཁྱོད་ཀྱི་བློ་རྒྱ་ཆེ་སྟེ་དཔྱོད་པ་བཟང་ངོ་།།སྤོབས་པ་དགེའོ།།དགའ་བ་ཅན་དེའི་ཕྱིར་ཉེས་དམིགས་བཅུ་ཞེས་བྱ་བའི་ཆོས་ཀྱི་རྣམ་གྲངས་བཤད་པར
422a3 བྱ་ཡིས།ལེགས་པར་རབ་ཏུ་ཉོན་ལ་ཡིད་ལ་གཟུང་ཞིག་དང་ངས་ཁྱོད་ལ་བཤད་པར་བྱའོ།།བཅོམ་ལྡན་འདས་ལེགས་སོ་ལེགས་སོ་ཞེས་གསོལ་ནུས་དགེ་བསྙེན་དགའ་བ་ཅན་བཅོམ་ལྡན
422a4 འདས་ལ་ཉན་པ་དང་།བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།།དགའ་བ་ཅན་སྲོག་གཅོད་པའི་ཉེས་དམིགས་བཅུ་ནི་འདི་དག་ཡིན་པར་རིག་པར་བྱ་སྟེ།བཅུ་པོ་དག་གང་ཞེ
422a5 ན།འདི་ལྟ་སྟེ།ཚེ་འདི་ལ་འཁོན་སྐྱེད་པ་དང་།སྐྱེ་བ་གཞན་རྣམས་སུའང་འཁོན་དང་རྗེས་སུ་འབྲེལ་པར་འགྱུར་བ་དང་།སྐྱེ་བོ་མང་པོ་དག་གིས་ཡིད་མི་བརྟན་པར་འགྱུར་བ་དང་།སྡིག
422a6 པའི་རྨི་ལམ་མཐོང་བ་དང་།བདག་ཀྱང་འཇིགས་པ་སྐྱེ་ཞིང་སེམས་ཅན་རྣམས་ཀྱིང་དེ་ལ་འཇིགས་པ་སྐྱེ་བ་དང་།བདེ་བར་ཉལ་ཡང་སྡུག་བསྔལ་བར་སད་པ་དང་།སྡིག་པ་རྣམ
422a7 པར་སེམས་པ་དང་།རྨོངས་པ་དང་བཅས་པར་འཆི་བོའི་དུས་བྱེད་པ་དང་།ཚེ་ཐུང་བར་འགྱུར་བའི་ལས་བྱོས་ཤིང་བསགས་པས་ལུས་ཞིག་སྟེ་ཤི་ནས་ཀྱང་ངན་སོང་ངན་འགྲོ་ལོག།
iiif viewer powered by OpenSeadragon
