| e-texts navigator |
| Wylie |
416a1 ཀྱི་བུ་འམ།རིགས་ཀྱི་བུ་མོ་དྲད་པ་དང་ལྡན་པ་འཕགས་པའི་ཡན་ལག་བརྒྱུད་དང་ལྡན་པའི་བསྙེན་གནས་ལྔ་གནས་པར་འདོད་པས་ནང་པར་ལངས་ནས
416a2 དགེ་སློང་ངམ།བྲམ་ཟེ་འམ།གཞན་གང་ཡང་རུང་བ་ཤེས་པ་ཞིག་གི་དྲུང་དུ་སོང་སྟེ།བླ་གོས་ཕྲག་པ་གཅིག་ཏུ་བྱས་ལ་པུས་མོ་གཡས་པའི་ལྷ་ང་ས་ལ་གཙུགས་ཏེ།ཐལ་མོ་སྦྱར་ནས
416a3 ཚིག་འདི་སྐད་ཅེས་བརྗོད་པར་བྱ་སྟེ།བདག་མིང་ཆེ་གེ་མོ་ཞེས་བགྱི་བ་འདི་དུས་འདི་ནས་བཟུང་སྟེ།གང་ངོ་ནུབ་ཀྱི་མཚོན་མོ་འདྲི་དང་།སང་ཉི་མ་ཤར་གྱི་བར་དུ་སྲོག་གཅོད་པ་སྤོང་ཞིང་སྲོག
416a4 གཅོད་པ་ལས་སླར་ལོག་སྟེ།དབྱུག་པ་སྤངས་ཤིང་མཚོན་ཆ་སྤངས་ཏེ་ངོ་ཚ་དང་ལྡན་ཞིང་སྙིང་རྗེ་དང་ལྡན་པར་བགྱིས་ལ།སེམས་ཅན་དང་།སྲོག་ཆགས་འབྱུང་པོ་ཐམས་ཅད་ལས
416a5 ཆུང་ངུ་ན་སྲོག་ཆགས་ཕྲ་མོ་གྲོག་སྤུར་ཡན་ཆད་ཀྱི་སྲོག་གཅོད་པ་སྤངས་ཏེ།སྲོག་གཅོད་པ་ལས་སླར་ལྡོག་པར་བགྱིའོ།།ཇི་ལྟར་འཕགས་པ་དག་བཅོམ་པ་དེ་དག་ཇི་སྲིད་འཚོའི
416a6 བར་དུ་སྲོག་གཅོད་པ་སྤངས་ཏེ།སྲོག་གཅོད་པ་ལས་སླར་ལོག་ནས་དབྱུག་པ་སྤངས།ཤིང་མཚོན་ཆེ་སྤངས་ཏེ།སེམས་ཅན་དང་།སྲོག་ཆགས་འབྱུང་པོ་ཐམས་ཅད་ལས
416a7 ཆུང་ངུ་ན་སྲོག་ཆགས་ཕྲ་མོ་གྲོག་སྥུར་ཡན་ཆད་ཀྱི་སྲོག་གཅོད་པའང་སྤངས་ཏེ།སྲོག་གཅོད་པ་ལས་སླར་ལོག་པ་དེ་བཞིན་དུ་མང་ཆེ་གེ་མོ་འང་དུས་འདི་ནས་བཟུང་སྟེ།དོ་ནུབ་ཀྱི
iiif viewer powered by OpenSeadragon
