| e-texts navigator |
| Wylie |
290a1 ཟག་པའི་དེ་དག་ཡོངས་སུ་མ་ཟད་དོ་ཞེས་དེ་ལ་གོལ་བའི་མཚན་མ་དེ་ཡང་དག་པར་རྗེས་སུ་མི་མཐོང་ངོ་།།དེ་བཞིན་གཤེགས་པས་མཚན་མ
290a2 ཡང་དག་པར་རྗེས་སུ་མི་མཐོང་བས་བདེ་བ་ཐོབ་ཅིང་མི་འཇིགས་པ་ཐོབ་པར་གནས་ཤིང་ཁྱུ་མཆོག་གི་གནས་སུ་དམ་བཅས་ཏེ།འཁོར་གྱི་ནང་དུ་སོང་ནས་སེང་གེའི་སྒྲ་ཡང
290a3 དག་པར་སྒྲོག་ཅིང་དགེ་སྦྱོང་དང་བྲམ་ཟེ་འམ།སུས་ཀྱང་ཆོས་དང་མཐུན་པར་འཇིག་རྟེན་དུ་མ་བསྐོར་བའི་ཚངས་པའི་འཁོར་ལོ་རབ་ཏུ་བསྐོར་བ་སྟེ།འདི་དག་ནི་མེ་འཇིགས
290a4 པ་བཞིའོ།།དེ་ལ་དེ་བཞིན་གཤེགས་པའི་སོ་སོ་ཡང་དག་པར་རིག་པ་བཞི་གང་ཞེ་ན།འདི་ལྟ་སྟེ།དོན་སོ་སོ་ཡང་དག་པར་རིག་པ་དང་།ཆོས་སོ་སོ་ཡང
290a5 དག་པར་རིག་པ་དང་།ངེས་པའི་ཚིག་སོ་སོ་ཡང་དག་པར་རིག་པ་དང་།སྤོབས་པ་སོ་སོ་ཡང་དག་པར་རིག་པ་སྟེ།འདི་དག་ནི་སོ་སོ་ཡང་དག་པར་རིག་པ་བཞིའོ།།
290a6 དེ་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་ཞེ་ན།དེ་བཞིན་གཤེགས་པ་ལ་འཁྲུལ་པ་མེད་པ་དང་ཙ་ཙེ་མེད་པ་དང་།བསྒྱེལ་བ་མེད་པ་དང་།སེམས
290a7 མཉམ་པར་མི་བཞག་པ་མེད་པ་དང་།ཐ་དད་པའི་འདུ་ཤེས་མེད་པ་དང་།སོ་སོར་མ་བརྟགས་པའི་བཏང་སྙོམས་མེད་པ་དང་།འདུན་པ་ཉམས་པ་མེད་པ་དང་།།
iiif viewer powered by OpenSeadragon
