| e-texts navigator |
| Wylie |
288b1 རྫོགས་པ།མཁས་པས་བསྔགས་པ་མཁས་པ་དག་གིས་མ་སྨད་པ་དགྲ་སྟེ།འདི་དག་ནི་རྒྱུན་དུ་ཞུགས་པའི་ཡན་ལག་བཞིའོ།།དགེ་སློང་དག་དེ་ལ་དེ་བཞིན་གཤེགས།
288b2 པའི་སྟོབས་བཅུ་གང་ཞེ་ན།དགེ་སློང་དག་དེ་ལ་དེ་བཞིན་གཤེགས་པ་ནི་གནས་པ་ལའང་གནས་སུ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཅིང་།གནས་མ་ཡིན་པའ
288b3 གནས་མ་ཡིན་པར་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།འདི་ནི་དེ་བཞིན་གཤེགས་པའི་སྟོབས་དང་པོའོ།།འདས་པ་དང་།མ་འོངས་པ་དང་།ད་ལྟར་བྱུང་བའི
288b4 ལས་ཡང་དག་པར་འཛིན་པ་དང་།རྣམ་པར་སྨིན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།།སེམས་ཅན་ཕ་རོལ་མོས་པ་དུ་མ་ཅན་དག་གི་མོས་པ་སྣ་ཚོགས་ཡང་དག
288b5 བ་ཇི་ལྟ་བ་བཞིན་རབ་ཏུ་མཁྱེན་ཏོ།།ཁམས་དུམ་པའི་འཇིག་རྟེན་གྱི་ཁམས་ཀྱི་ཁམས་སྣ་ཚོགས་ཅན་དུ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།།སེམས་ཅན་གཞན་དག
288b6 གི་དབང་པོ་མཆོག་དང་།མཆོག་མ་ཡིན་པ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏོ།།ཐམས་ཅད་དུ་འགྲོ་བའི་ལམ་ཡང་དག་པ་ཇི་ལྟ་བ་བཞིན་རབ་ཏུ་མཁྱེན་ཏེ།།
288b7 སེམས་ཅན་གཞན་དག་གི་དབང་པོ་དང་།སྟོབས་དང་།བྱང་ཆུབ་ཀྱི་ཡན་ལག་དང་།བསམ་གཏན་དང་།རྣམ་པར་ཐར་པ་དང་།ཏིང་ངེ་འཛིན་དང་།སྙོམས
iiif viewer powered by OpenSeadragon
