| e-texts navigator |
| Wylie |
275b1 མེད་པ་ཤིན་ཏུ་བསྒོམས་པས་ཕྱོགས་བཅུར་མོས་ཏེ་ཁྱབ་པར་བྱས་ནས་རྫོགས་པར་བྱས་ཏེ་གནས་ཤིང་དེ་བཞིན་དུ་གཉིས་པ་དང་།གསུམ་པ་དང་།དེ་བཞིན་དུ་བཞི་པ་དང་།བླ་དང་།འོག་དང་།ཐད།
275b2 ཀར་རྣམ་པ་ཐམས་ཅད་དང་ལྡན་པའི་འཇིག་རྟེན་འདི་ཐམས་ཅད་དུ་བྱམས་པ་དང་ལྡན་པའི་སེམས་འཁོན་མེད་པ།འགྲན་ཟླ་མེད་པ།གནོད་པ་མེད་པ།ཡངས་པ།རྒྱ་ཆེན་པོར་གྱུར་པ།
275b3 མི་གཉིས་པ།ཚད་མེད་པ་ཤིན་ཏུ་བསྒོམས་པས་མོས་ཏེ།ཁྱབ་པར་བྱས་ནས་རྫོགས་པར་བྱས་ཏེ་གནས་པ་དང་།དེ་བཞིན་དུ་སྙིང་རྗེ་དང་ལྡན་པ་དང་།དགའ་བ་དང་ལྡན་པ་དང་།
275b4 བཏང་སྙོམས་དང་ལྡན་པའི་སེམས་འཁོན་མེད་པ།འགྲན་ཟླ་མེད་པ།གནོད་པ་མེད་པ།ཡངས་པ་རྒྱ་ཆེན་པོར་གྱུར་པ།མི་གཉིས་པ་ཚད་མེད་པ་ཤིན་ཏུ་བསྒོམས་པས་མོས་པར
275b5 བྱས་ནས་ཁྱབ་པར་བྱས་ཏེ་རྫོགས་པར་བྱས་ནས་གནས་པ་སྟེ།འདི་ནི་ཚངས་པའི་གནས་པ་བཞིའོ།།དེ་ལ་ལམ་བཞི་གང་ཞེ་ན།མངོན་པར་ཤེས་པ་བུལ་ལ་དཀའ་བའི་ལམ
275b6 ཡང་ཡོད།མངོན་པར་ཤེས་པ་མྱུར་ལ་དགའ་བའི་ལམ་ཡང་ཡོད།མངོན་པར་ཤེས་པ་བུལ་ལ་སླ་བའི་ལམ་ཡང་ཡོད།མངོན་པར་ཤེས་པ་མྱུ་ལ་སླ་བའི་ལམ་ཡང་ཡོད།།
275b7 དེ་ལ་མངོན་པར་ཤེས་པ་བུལ་ལ་དཀའ་བའི་ལམ་གང་ཞེ་ན།འདི་ལ་ཁ་ཅིག་རང་བཞིན་གྱིས་འདོད་ཆགས་ཀྱི་ཤས་ཆེ་བ་ཡིན།ཞེ་སྡང་གི་ཤས་ཆེ་བ་ཡིན།གཏི་མུག་གི་ཤས
iiif viewer powered by OpenSeadragon
