| e-texts navigator |
| Wylie |
268b1 དེ་ནས་བཅོམ་ལྡན་འདས་ཀྱིས་སྤྲིན་ལྟར་ཟབ་ཅིང་སྙན་ལ་རྒྱ་ཆེ་བའི་ཚངས་པའི་དབྱངས་ཀྱིས་དགེ་སློང་རྣམས་ལ་བཀའ་སྩལ་པ།དགེ་སློང་དག་ཁྱེད་ལ་ཆོས་བཤད་པར་བྱ་སྟེ།ཚངས
268b2 པར་སྤྱོད་པ།ཐོག་མར་དགེ་བ།བར་དུ་དགེ་བ།ཐ་མར་དགེ་བ།དོན་བཟང་པོ།།ཚིག་འབྲུ་བཟང་པོ།མ་འདྲེས་པ།ཡོངས་སུ་རྫོགས་པ།ཡོངས་སུ་དག་པ།ཡོངསུ
268b3 བྱང་བ་འདི་ལྟ་སྟེ།དོན་རྣམ་པར་ངེས་པ་ཞེས་བྱ་བའི་ཆོས་ཀྱི་རྣམ་གྲངས་ཡང་དག་པར་རབ་ཏུ་བཤད་པར་བྱས།དེ་ལེགས་པར་རབ་ཏུ་ཉོན་ལ་ཡིད་ལ་བཟུང་ཤིག་དང་བཤད་དོ།།
268b4 དགེ་སློང་དག་གིས་བཅོམ་ལྡན་འདས་ལེགསོ་ཞེས་གསོལ་ཏེ།བཅོམ་ལྡན་འདས་ཀྱི་ལྟར་ཉན་པ་དང་།བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ།།དགེ
268b5 སློང་དག་དོན་རྣམ་པར་ངེས་པ་ཞེས་བྱ་བའི་ཆོས་ཀྱི་རྣམ་གྲངས་དེ་གང་ཞེ་ན།འདི་ལྟ་སྟེ།ཕུང་པོ་ལྔ་དང་།ཉེ་བར་ལེན་པའི་ཕུང་པོ་ལྔ་དང་།ཁམས་བཅོ་བརྒྱད་དང་།སྐྱེ
268b6 མཆེད་བཅུ་གཉིས་དང་།རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་དང་།འཕགས་པའི་བདེན་པ་བཞི་དང་།དབང་པོ་ཉི་ཤུ་རྩ་གཉིས་དང་།བསམ་གཏན
268b7 བཞི་དང་།ཚངས་པའི་གནས་པ་ནི་དང་།ལམ་བཞི་དང་།ཏིང་ངེ་འཛིན་བསྒོམ་པ་བཞི་དང་།དྲན་པ་ཉེ་བར་བཞག་པ་བཞི་དང་།ཡང་དག་པར་སྤོང་བ་བཞི་དང་།
iiif viewer powered by OpenSeadragon
