| e-texts navigator |
| Wylie |
268a1 པའི་སྐྱེ་བ་ཟད་དེ།ད་ནི་སྲིད་པ་གཞན་མེད་དུ།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྒྱུལ་ཏེ།བདེ་བར་གཤེགས་པས་ད
268a2 གསུངས་ནས་སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ།།ང་དང་ཁྱད་ཅག་ཁོ་ན་ཡིས།།འཕགས་པའི་བདེན་པ་བཞི་པོ་དག།ཇི་ལྟ་བ་བཞིན་མ་མཐོང་བས།
268a3 ལམ་རིང་དུ་ནི་འཁོར་བར་གྱུར།།བདེན་པ་དེ་དག་མཐོང་ནས་ནི།།སྲིད་པའི་སྲེད་པ་བཅད་ནས་སུ།།འཁོར་བའི་སྐྱེ་བ་ཟད་པས་ནི།།ད་ནི་སྲིད་པ་གཞན་མེད་དོ།།བཅོམ
268a4 ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་།དགེ་སློང་དེ་དག་ཡི་རངས་ཏེ།བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།།འཕགས་པ་བདེན་པ
268a5 བཞིའི་མདོ་རྫོགས་སོ།།།།རྒྱ་གར་སྐད་དུ།རྻ་བི་ནི་ཤྩ་ཡ་ནཱ་མ་དྷརྨ་པཪྻཱ་ཡ།བོད་སྐད་དུ།དོན་རྣམ་པར་ངེས
268a6 པ་ཞེས་བྱ་བའི་ཆོས་ཀྱི་རྣམ་གྲངས།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།།འདི་སྐད་བདག་གིས་ཐོས་པ་དུས་གཅིག་ན།བཅོམ་ལྡན
268a7 འདས་མཉན་ཡོད་ན་ཤར་ཕྱོགས་ཀྱི་ཀུན་དགའ་ར་བ་རི་དགས་འཛིན་གྱི་མའི་ཁང་པ་ན་དགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགསོ།།
iiif viewer powered by OpenSeadragon
