| e-texts navigator |
| Wylie |
226a1 བརླག་ཅིང་དམྱལ་བར་འཕེན་པར་བྱེད།།དེ་ཡིད་དྲི་མས་མ་རྙོགས་པར་བྱེད་དེ།།ཁ་ན་མ་ཐོ་མེད་པ་དེ་བཟོད་དོ།།དགེ་སློང་དག་སེམས་ཅན
226a2 དམྱལ་བ་ཆེན་པོ་རབ་ཏུ་ཚ་བའི་ཚེའི་ཚད་ནི་བསྐལ་པ་ཕྱེད་གཅིག་ཡིན་སྟེ།བར་མ་དོར་འཆི་བ་ནི་ཡོད་དོ།།དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ
226a3 བཀའ་སྩལ་པ།འབྲས་བུ་ཡིད་འོངས་མཐོ་རིས་སུ།།སྐྱེ་འགྱུར་དགེ་བ་སྤངས་ནས་ནི།།འདིར་ནི་མི་སྡུག་ལས་བྱས་པས།།རབ་ཏུ་ཚ་བར་སྐྱེ་བར་འགྱུར།དགེ
226a4 སྦྱོང་བྲམ་ཟེ་དགེ་བ་དང་།།ཕ་དང་མ་ཡང་དེ་བཞིན་ཏེ།།གང་ཡང་བླ་མ་གཞན་གསོད་པ།།རབ་ཏུ་ཚ་བར་དེ་འཚོད་དོ།།དགེ་སློང་དག་དམྱལ་བ་ཆེན་པོ་མནར
226a5 མེད་པའི་ཚེའི་ཚད་ནི་བསྐལ་པ་གཅིག་སྟེ།བར་མ་དོར་འཆི་བ་ནི་ཡོད་དོ།།མི་གཏི་མུག་ཅན་ལྷས་བྱིན་གྱིས་དགེ་འདུན་མཐུན་པ་ཕྱེ་བ་དང་།དེ་བཞིན་གཤེགས་པ
226a6 པ་ལ་ངན་སེམས་ཀྱིས་ཁྲག་ཕྱུང་བ་དང་།དགེ་སློང་མ་དགྲ་བཅོམ་པ་བསད་པས་རང་གི་ལས་དེ་ཉིད་ཀྱིས་དམྱལ་བ་ཆེན་པོ་མནར་མེད་པོ་དེར་སྐྱེས་སོ།།དེ་ནས་བཅོམ་ལྡན
226a7 འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ།འཕགས་པ་རྣམས་ཀྱིས་བསྟན་པ་ཡི།ཆོ་གྱིས་འོས་པར་འཚོ་རྣམས་ལ།།སྡིག་པའི་ལྟ་བ་ལ་བརྟེན་ནས།།
iiif viewer powered by OpenSeadragon
