| e-texts navigator |
| Wylie |
201a1 ཐབས་ལ་མཁས་པའི་ཡེ་ཤེས་དང་ལྡན་པ་དེ།ཡངས་པའི་སྦྱོང་ཁྱེར་ཆེན་པོ་ན་གནས་ཤིང་འདུག་གོ།དེ་ཐབས་ལ་མཁས་པས་བདག་ཉིད་ན་བ་ལྟ་བུར་གྱུར
201a2 ནས།དེ་ལ་ནང་དྲི་བའི་ཕྱིར་ཡངས་པའི་གྲོང་ཁྱེར་ཆེན་པོ་ནས་རྒྱལ་པོ་དང་།བློན་པོ་ཆེན་པོ་དང་།གཞོན་ནུ་དང་།འཁོར་དང་།བྲམ་ཟེ་དང་།ཁྱིམ་བདག་དང་།ཚིང་དཔོན
201a3 དང་།གྲོང་པ་དང་།ཡུལ་གྱི་མི་དང་།དེ་མ་ཡིན་པའི་སྲོག་ཆགས་སྟོང་ཕྲག་མང་པོ་ནད་འདྲིར་འོངས་སྟེ།དེར་ལྷགས་པ་དེ་དག་ལ་ལི་ཙ་བི་དྲི་མ་མེད་པར་གྲགས་པས་འབྱུང།
201a4 བ་ཆེན་པོ་བཞིའི་ལུས་འདི་ཉིད་ལས་བརྩམས་ནས་ཆོས་སྟོན་ཏེ།གྲོགས་པོ་རྣམས་ལུས་འདི་ནི་འདི་ལྟར་མི་རྟག་པ།འདི་ལྟར་མི་བརྟན་པ།འདི་ལྟར་ཡིད་བརྟན་དུ་མི་རུང་བ།
201a5 འདི་ལྟར་ཉམ་ཆུང་བ།འདི་ལྟར་སྙིང་པོ་མེད་པ།འདི་ལྟར་ཞིག་པ།འདི་ལྟར་ཡུན་ཐུང་བ།འདི་ལྟར་སྡུག་བསྔལ་བ།འདི་ལྟར་ནད་མང་བ།འདི་ལྟར་འགྱུར་བའི
201a6 ཆོས་ཅན་ནོ།།གྲོགས་པོ་དག་འདི་ལྟར་ལུས་འདི་ནི་ནད་མང་པོའི་སྣོད་དེ།མཁས་པའི་དེ་ལྔ་གནས་པར་མི་བྱའོ།།གྲོགས་པོ་དག་ལུས་འདི་ནི་ཅང་མི་བཟོད་པ་སྟེ།དབུ་བ
201a7 རྡོས་པ་ལྟ་བུའོ།།ལུས་འདི་ནི་རིང་དུ་མི་གནས་པ་སྟེ།ཆུའི་ཆུ་བུར་ལྟ་བུའོ།།ལུས་འདི་ནི་ཉོན་མོངས་པའི་སྲེད་པས་བྱུང་བ་སྟེ་སྨིག་རྒྱུ་ལྟ་བུའོ།།ལུས་འདི་ནི་སྙིང་པོ་མེད་པ
iiif viewer powered by OpenSeadragon
