| e-texts navigator |
| Wylie |
462b1 བའི་གྲངསུ་མཆི་བ་ལགས།ཀུན་དགའ་བོ་མཁས་པ་ནི་ཁམས་ལ་མཁས་པ་དང་།སྐྱེ་མཆེད་ལ་མཁས་པ་དང་།རྟེན་ཅིང་འབྲེལ་པར་འབྱུང་བ་ལ་མཁས་པ་དང་།གནས་དང
462b2 གནས་མ་ཡིན་པ་ལ་མཁས་པ་ཡིན་ཏེ།ཀུན་དགའ་བོ་དེ་ཙམ་གྱིས་ན་མཁས་པ་མཁས་པ་ཞེས་བྱ་བའི་གྲངསུ་འགྲོ་བ་ཡིནོ།།བཙུན་པ་ཇི་ཙམ་གྱིས་ན་མཁས་པ་ཁམས་ལ
462b3 མཁས་པ་ལགས།།ཀུན་དགའ་བོ་མཁས་པ་ནི་ཁམས་བཅོ་བརྒྱད་པོ་མིག་གི་ཁམས་དང་།གཟུགས་ཀྱི་ཁམས་དང་།མིག་གི་རྣམ་པར་ཤེས་པའི་ཁམས་དང་།རྣ
462b4 བའི་ཁམས་དང་།སྒྲའི་ཁམས་དང་།རྣ་བའི་རྣམ་པར་ཤེས་པའི་ཁམས་དང་།སྣའི་ཁམས་དང་།དྲིའི་ཁམས་དང་།སྣའི་རྣམ་པར་ཤེས་པའི་ཁམས་དང་།ལྕེའི
462b5 ཁམས་དང་།རོའི་ཁམས་དང་།ལྕེའི་རྣམ་པར་ཤེས་པའི་ཁམས་དང་།ལུས་ཀྱི་ཁམས་དང་།རེག་བྱའི་ཁམས་དང་།ལུས་ཀྱི་རྣམ་པར་ཤེས་པའི་ཁམས་དང་།
462b6 ཡིད་ཀྱི་ཁམས་དང་།ཆོས་ཀྱི་ཁམས་དང་།ཡིད་ཀྱི་རྣམ་པར་ཤེས་པའི་ཁམས་དག་ཡང་དག་པ་ཇི་ལྟ་བ་བཞིན་ཤེས་ཤིང་མཐོང་བ་སྟེ།ཀུན་དགའ་བོ་དེ་ལྟར་ན་ཁམས་བཅོ
462b7 བརྒྱད་པོ་ཡང་དག་པ་ཇི་ལྟ་བ་བཞིན་ཤེས་ཤིང་མཐོང་བ་ཡིན།།གཞན་ཡང་ཁམས་དྲུག་པོ་སའི་ཁམས་དང་།ཆུའི་ཁམས་དང་།མེའི་ཁམས་དང་།རླུང་གི་ཁམས་དང་།
iiif viewer powered by OpenSeadragon
