| e-texts navigator |
| Wylie |
425a1 བྱ་སྟེ།ཡང་སྔོན་གྱི་མཐའ་དང་ལྡན་པའི་ལྟ་བའི་རྣམ་པ་གང་ཡིན་པ་དག་ཉེ་བར་ལེན་པར་འགྱུར་བ་དང་།ཕྱི་མའི་མཐའ་དང་ལྡན་པའི་ལྟ་བའི
425a2 རྣམ་པ་དག་ཀྱང་ཉེ་བར་ལེན་པར་འགྱུར་བ་དང་།ཚེ་འདི་ཉིད་ལ་འདོད་པའི་ཀུན་ཏུ་སྦྱོར་བའང་ཉེ་བར་ལེན་པར་འགྱུར་བ་དང་།རབ་ཏུ་དབེན་པའི་དགའ་བའང་ཉེ་བར་ལེན
425a3 པར་འགྱུར་བ་དང་།ཟང་ཟིང་མེད་པའི་བདེ་བའང་ཉེ་བར་ལེན་པར་འགྱུར་བ་དང་།སྡུག་བསྔལ་ཡང་མ་ཡིན་བདེ་བ་ཡང་མ་ཡིན་པའི་ཚོར་བ་ཡང་ཉེ་བར་ལེན་པར
425a4 འགྱུར་བར་འདོད་པར་བྱའོ།།ཡང་དེ་འདི་སྐད་ཅེས་ད་ནི་ཞི་བའོ།།ང་ནི་མྱ་ངན་ལས་འདས་པའོ།།ང་ནི་སྲིད་པ་མེད་པའོ།།ང་ནི་ཉེ་བར་ལེན་པ་མེད་པ་སྟེ།ང་ལ
425a5 སྔོན་བདག་ཡོད་པར་གྱུར་པ་དེ་ནི་ད་ལྟར་ང་ལ་མེད་དོ་ཞེས་ཟེར་བ་དེ་ལ་ཉེ་བར་ལེན་བསྔོ་པ་ཁོ་ན་སྣང་སྟེ་དགེ་སློང་དག་དེ་ཡང་རགས་པ།འདུས་བྱས་པ།སེམས་པ།རྟེན
425a6 ཅིང་འབྲེལ་པར་འབྱུང་བ་ཡིན་ཏེ།འདི་ལྟར་འདུ་བྱེད་རྣམས་ཡོད་ན་འདུ་བྱེད་རྣམས་ཀྱི་འགོག་པའང་ཡོད་པས་ན།དེ་བཞིན་གཤེགས་པས་དེ་ཡོད་པར་ཐུགསུ་ཆུད་ནས་དེ
425a7 ལས་ཕྱིར་ལོག་ཅིང་དེ་ལ་ཞི་བར་གཟིགས།ངེས་པར་འབྱུང་བར་གཟིགས་ཤིང་བཞུགས་ཏེ།དགེ་སློང་དག་ཚེ་འདི་ཉིད་ལ་མྱ་ངན་ལས་འདའ་བར་སྨྲ་བ་དག་ཚེ་འདི་ཉིད
iiif viewer powered by OpenSeadragon
