| e-texts navigator |
| Wylie |
424a1 འགགས་པ་ལས་ཀྱང་སྡུག་བསྔལ་ཡང་མ་ཡིན།བདེ་བའང་མ་ཡིན་པའི་ཚོར་བ་འབྱུང་བར་འགྱུར་ཏེ།དགེ་སློང་དག་འདི་ལྟ་སྟེ།དཔེར་ན་མཁར་བ
424a2 ན་མཁའ་ལ་འཕངས་ན།ཡང་ན་ནི་ཡུ་བས་ཕྱིར་ལྷུང་ངོ་།།ཡང་ན་ནི་རྩེ་མོས་སོ།།དགེ་སློང་དག་དེ་བཞིན་དུ་སྡུག་བསྔལ་ཡང་མ་ཡིན།བདེ་བའང་མ་ཡིན་པའི་ཚོར་བ
424a3 འགགས་པ་ལས་ཀྱང་བདེ་བ་དང་སྡུག་བསྔལ་འབྱུང་བར་འགྱུར་ལ།བདེ་བ་དང་སྡུག་བསྔལ་འགགས་པ་ལས་ཀྱང་སྡུག་བསྔལ་ཡང་མ་ཡིན་བདེ་བའང་མ་ཡིན་པའི་ཚོར་བ
424a4 འབྱུང་བར་འགྱུར་ཏེ།དགེ་སློང་དག་དེ་ཡང་རགས་པ།འདུས་བྱས་པ།བསེམས་པ།རྟེན་ཅིང་འབྲེལ་པར་འབྱུང་བ་ཡིན་ཏེ།འདི་ལྟར་འདུ་བྱེད་རྣམས་ཡོད་ན
424a5 འདུ་བྱེད་རྣམས་ཀྱི་འགོག་པ་ཡང་ཡོད་པས་ན།དེ་བཞིན་གཤེགས་པས་དེ་ཡོད་པར་ཐུགས་ཆུད་ནས་དེ་ལས་ཕྱིར་ལྡོག་ཅིང་དེ་ལ་ཞི་བར་གཟིགས།ངེས་པར་འབྱུང་བར
424a6 གཟིགས་ཤིང་བཞུག་སོ།།དགེ་སློང་དག་གཞན་ཡང་འདི་ན་དགེ་སྦྱོང་ངམ་བྲམ་ཟེ་ལ་ལས་སྔོན་གྱི་མཐའ་དང་ལྡན་པའི་ལྟ་བའི་རྣམ་པ་དག་རབ་ཏུ་སྤངས་ཤིང་ཕྱི་མའི
424a7 མཐའ་དང་ལྡན་པའི་ལྟ་བའི་རྣམ་པ་དག་ཀྱང་རབ་ཏུ་སྤངས་ནས་ཚེ་འདི་ཉིད་ལ་འདོད་པའི་ཀུན་ཏུ་སྦྱོར་བ་རབ་ཏུ་སྤངས་ཏེ།རབ་ཏུ་དབེན་པའི་དགའ་བ་ལས་ཡང་དག
iiif viewer powered by OpenSeadragon
