| e-texts navigator |
| Wylie |
423b1 རབ་ཏུ་སྤངས་ནས་ཚེ་འདི་ཉིད་ལ་འདོད་པའི་ཀུན་ཏུ་སྦྱོར་བུ་རབ་ཏུ་སྤངས་ཏེ།རབ་ཏུ་དབེན་པའི་དགའ་བ་ལས་ཡང་དག་པར་འདས་ཤིང་ཟང་ཟིང་མེད་པའི་བདེ་བ་ལས་ཀྱང་ཡང་དག་པར་འདས་ཏེ།
423b2 སྡུག་བསྔལ་བའང་མ་ཡིན་བདེ་བའང་མ་ཡིན་པའི་ཚོར་བ་ལུས་ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་ལ།དེ་འདི་སྙམ་དུ་སེམས་ཏེ།འདི་ལྟར་བདག་སྔོན་གྱི་མཐའ
423b3 དང་ལྡན་པའི་ལྟ་བའི་རྣམ་པ་དག་རབ་ཏུ་སྤངས་ཤིང་ཕྱི་མའི་མཐའ་དང་ལྡན་པའི་ལྟ་བའི་རྣམ་པ་དག་ཀྱང་རབ་ཏུ་སྤངས་ནས་ཚེ་འདི་ཉིད་ལ་འདོད་པའི་ཀུན་ཏུ་སྦྱོར་བ་རབ་ཏུ་སྤངས་ཏེ།
423b4 རབ་ཏུ་དབེན་པའི་དགའ་བ་ལས་ཡང་དག་པར་འདས་ཤིང་།ཟང་ཟིང་མེད་པའི་བདེ་བ་ལས་ཀྱང་ཡང་དག་པར་འདས་ཏེ།སྡུག་བསྔལ་ཡང་མ་ཡིན་བདེ་བའང་མ་ཡིན་པའི་ཚོར་བ་ལུས
423b5 ཀྱིས་མངོན་སུམ་དུ་བྱས་ནས་བསྒྲུབས་ཏེ་གནས་པ་འདི་ལྟ་སྟེ།སྡུག་བསྔལ་ཡང་མ་ཡིན།བདེ་བ་འང་མ་ཡིན་པའི་ཚོར་བ་འདི་ནི་ཞི་བའོ།།འདི་ནི་གྱ་ནོམ་པའོ་སྙམ་དུ་སེམས
423b6 པ་དེའང་ཡང་དག་པ་ཇི་ལྟ་བ་བཞིན་དུ་རབ་ཏུ་མཁྱེན་ཏོ།།དགེ་སློང་དག་སྡུག་བསྔལ་བའང་མ་ཡིན་བདེ་བའང་མ་ཡིན་པའི་ཚོར་བའང་མི་རྟག་པ་དང་།འགོག་པའི་ཆོས་ཅན
423b7 ཡིན་ཏེ།སྡུག་བསྔལ་ཡང་མ་ཡིན།བདེ་བ་འང་མ་ཡིན་པའི་ཚོར་བ་འགགས་པ་ལས་བདེ་བ་དང་།སྡུག་བསྔལ་འབྱུང་བར་འགྱུར་ལ།བདེ་བ་དང་སྡུག་བསྔལ
iiif viewer powered by OpenSeadragon
