| e-texts navigator |
| Wylie |
387b1 མེད་པའི་དབྱིངས་ཁོ་ན་འམ།དེ་ལས་ཁ་ཅིག་ལ་བརྟེན་ནས་མི་སྟོང་པའང་ཡོད་དོ་སྙམ་མོ།།དེ་ལ་རྣམ་ཤེས་མཐའ་ཡས་སྐྱེ་མཆེད་དུ་འདུ་ཤེས་པ་དང་།ཅིའང་མེད་པའི་སྐྱེ་མཆེད་དུ
387b2 འདུ་ཤེས་པ་ལ་བརྟེན་པ་ཉོན་མོངས་པའི་གནས་གང་དག་ཡིན་པ་དེ་དག་མེད་ཀྱང་།དེ་ལ་འདི་ལྟ་སྟེ།མཚན་མ་མེད་པའི་དབྱིངས་ཁོ་ན་འམ།དེ་ལས་ཁ་ཅིག་ལ་བརྟེན་པ་ཙམ་གྱི་ཉོན
387b3 མོངས་པའི་གནས་ནི་ཡོད་དོ།།ཀུན་དགའ་བོ་དེ་ལྟ་བས་ན་གང་ལ་གང་མེད་པ་དེ་དེས་སྟོང་ངོ་ཞེས་བྱ་བར་ཡང་དག་པར་རྗེ་སུ་མཐོང་ཡང་།དེ་ལ་ལྷག་མ་གང་ཡོད་པ་དེ་དེ་ལ་ཡོད་དོ་ཞེས་བྱ།
387b4 བར་ཡང་དག་པ་ཇི་ལྟ་བ་བཞིན་དུ་རབ་ཏུ་འདུ་ཤེས་ཏེ།ཀུན་དགའ་བོ་སྟོང་པ་ཉིད་ལ་འཇུག་པ་འདི་ནི་ཡང་དག་པ་ཇི་ལྟ་བ་བཞིན་ཏེ་ཕྱིན་ཅི་མ་ལོག་པ་ཡིནོ།།དེ་འདི་སྙམ་དུ་སེམས་ཏེ།།
387b5 མཚན་མ་མེད་པའི་དབྱིངས་ཀྱང་མངོན་པར་འདུས་བྱས་ཤིང་སེམས་པས་མངོན་པར་བསམས་པ་ཡིན་ཏེ།གང་མངོན་པར་འདུས་བྱས་ཤིང་སེམས་པས་མངོན་པར་བསམས་པ་དེ་ལ
387b6 ནི་མངོན་པར་དགྲའ་བར་བྱ་བ་འམ།མངོན་པར་བརྗོད་པར་བྱ་བ་འམ།ལྷག་པར་ཆགས་པར་བྱ་བ་འམ།ལྷག་པར་ཆགས་ཤིང་གནས་པར་བྱ་བར་མི་རིག་སོ་སྙ་མོ།།དེས་དེ
387b7 ལྟར་ཤེས་ཤིང་དེ་ལྟར་མཐོང་བས་འདོད་པའི་ཟག་པ་ལས་སེམས་རྣམ་པར་གྲོལ་ཞིང་སྲིད་པའི་ཟག་པ་དང་།མ་རིག་པའི་ཟག་པ་ལས་ཀྱང་སེམས་རྣམ་པར་གྲོལ་ལོ།།
iiif viewer powered by OpenSeadragon
