| e-texts navigator |
| Wylie |
384b1 ལ་བྱའོ།།དེ་འདི་སྙམ་དུ་སེམས་ཏེ་འདུ་ཤེས་ཀྱི་རྣམ་པ་འདི་ལྟ་སྟེ།གྲོང་དུ་འདུ་ཤེས་པ་དང་།མིར་འདུ་ཤེས་པས་སྟོང་ཡང་འདི་ལ་འདི་ལྟ་སྟེ།དགོན་པར་འདུ་ཤེས་པ་ཁོ་ན་ལ།།
384b2 དེ་ལས་ཁ་ཅིག་ལ་བརྟན་ནས་མི་སྟོང་པ་ཡང་ཡོད་དོ་སྙ་མོ།།དེ་ལ་གྲོང་དུ་འདུ་ཤེས་པ་དང་།མིར་འདུ་ཤེས་པ་ལ་བརྟེན་པ་ཉོན་མོངས་པའི་གནས་གང་དག་ཡིན་པ་དེ་དག་མེད
384b3 ཀྱང་དེ་ལ་འདི་ལྟ་སྟེ།དགོན་པར་འདུ་ཤེས་པ་ཁོ་ན་འམ་དེ་ལས་ཁ་ཅིག་བརྟེན་པ་ཙམ་གྱི་ཉོན་མོངས་པའི་གནས་ནི་ཡོད་དོ།།ཀུན་དགའ་བོ་དེ་ལྟ་བས་ན་གང་ལ་གང་མེད
384b4 པ་དེ་དེས་སྟོང་ངོ་།།ཞེས་བྱ་བར་ཡང་དག་པར་རྗེསུ་མཐོང་ཡང་།དེ་ལ་ལྷག་མ་གང་ཡོད་པ་དེ་ལ་ཡོད་དོ་ཞེས་བྱ་བར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ།ཀུན་དགའ་བོ
384b5 སྟོང་པ་ཉིད་ལ་འཇུག་པ་འདི་ནི་ཡང་དག་པ་ཇི་ལྟ་བ་བཞིན་ཏེ།ཕྱིན་ཅི་མ་ལོག་པ་ཡིནོ།།ཀུན་དགའ་བོ་གཞན་ཡང་དགེ་སློང་ཞིག་ཀྱེ་མ་བདག་སྟོང་པ་ཉིད་ཀྱིས་ལན་མང་དུ་གནས
384b6 པར་བྱའོ་ཞེས་འདོད་པར་གྱུར་ན།ཀུན་དགའ་བོ་དགེ་སློང་དོས་མིར་འདུ་ཤེས་པ་དང་།དགོན་པར་འདུ་ཤེས་པ་ཡིད་ལ་མི་བྱ་བར་སར་འདུ་ཤེས་པ་འམ།དེ་ལས་ཁ་ཅིག
384b7 ཡིད་ལ་བྱ་ཞིང་།དེས་འདི་ལྟར་སའི་ཕྱོགས་གང་དག་མཐོ་དམའ་དང་།སྡོང་དུམ་དང་།ཆེར་མའི་གཞི་དང་།རྡོ་བ་དང་།གསེག་མ་དང་།གྱོ་དུམ་དང་བཅས་པ
iiif viewer powered by OpenSeadragon
