| e-texts navigator |
| Wylie |
349b1 གྷང་སྙོམས་ཀྱི་གནས་ལྟ་བུ་དག་ལ་ནི་སོ་སོར་བརྟགས་པ་མ་ཡིན།སོ་སོར་བརྟགས་པ་མ་ཡིན་པའི་བཏང་སྙོམསུ་གནས་པར་འགྱུར་ཏེ།དེ་ལྟར་བདག་ཡུན་རིང་པོ་ནས་འདི་ལ་རྗེསུ་སློབ
349b2 ཅིང་རྗེ་སུ་བྱེད་པ་ན་རྒ་བ་དང་།འཆི་བ་ཉམསུ་མྱོང་ཞིང་།སྔོན་གྱི་མཐའ་མི་མངོན་པར་གྱུར་པས་བདག་གིས་ང་ནི་མིག་གིས་རྣམ་པར་ཤེས་པར་བྱ་བའི་གཟུགས་དག་ལ་སྔོན་ཇི
349b3 ལྟ་བ་དེ་ལྟར་བསླབ་པར་མི་བྱ་ཞིང་།བདག་གིས་མིག་གིས་རྣམ་པར་ཤེས་པར་བྱ་བ་འདས་པ་དང་།མ་འོངས་པ་དང་།ད་ལྟར་བྱུང་བའི་གཟུགས་དག་ལ་ལོག་པར་མོས
349b4 པ་འམ།འདུ་ཤེས་ཕྱིན་ཅི་ལོག་གམ།སེམས་ཕྱིན་ཅི་ལོག་གམ།ལྟ་བ་ཕྱིན་ཅི་ལོག་ཏུ་གྱུར་པའི་ད་ལྟ་སྟེ།བརྣབ་སེམས་ཀྱི་ཚོགས་ཀྱི་མདུད་པ་དང་།གནོད
349b5 སེམས་ཀྱི་ཚོགས་ཀྱི་མདུད་པ་དང་།ཚུལ་ཁྲིམས་དང་བརྟུལ་ཞུགས་མཆོག་ཏུ་འཛིན་པའི་ཚོགས་ཀྱི་མདུད་པ་དང་།འདི་བདེན་ནོ་སྙམ་དུ་མངོན་པར་ཞེན་ཅིང་མཆོག་ཏུ་འཛིན
349b6 པའི་ཚོགས་ཀྱི་མདུད་པ་གྲང་དག་ཡིན་པ་དེ་དག་སྤང་བའི་ཕྱིར་བསླབ་པར་བྱ་ཞིང་དེ་དག་སྤངས་པར་གྱུར་ཅིག་ཅེས་དེ་ལྟར་སོ་སོར་རྟོག་པར་བྱེད་པའི་ཕྱིརརོ།།དགེ་སློང་དག་འོན་ཀྱང
349b7 འདི་ན་ཁ་ཅིག་ལ་ནི་མིག་གིས་རྣམ་པར་ཤེས་པར་བྱ་བའི་གཟུགས་དེ་དག་ཉིད་ཡིད་དུ་འོང་བར་འགྱུར་ལ།གཞན་དག་ལ་ནི་དེ་དག་ཉིད་ཡིད་དུ་མི་འོང་བར་འགྱུར་པའང་ཡོད་ལ།།
iiif viewer powered by OpenSeadragon
