| e-texts navigator |
| Wylie |
79a1 བརྗོད་པ་དང་།འཇིགས་པ་མེད་པར་ཡོངསུ་བརྗོད་པ་ཡིན་པའི་ཕྱིར་རོ།།དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་ཆོས་ཀྱི་རྣམ་གྲངས་འདི་ལ་མཆོད་པར
79a2 ཕྱིར།བཅོམ་ལྡན་འདས་ལ་ལྷའི་མེ་ཏོག་མནྡཱ་རཱ་བ་དག་གིས་མངོན་པར་གཏོར་ནས།བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ལན་གསུམ་བསྐོར་བ་བྱས་ན
79a3 ཡིད་དགའ་བ་དང་།སེམས་དགེ་བ་དང་།སེམས་སྒྲིབ་པ་མེད་པ་དང་།སེམས་ཀུན་ནས་ལྡང་བ་མེད་པ་དང་།དེ་བཞིན་གཤེགས་པའི་མཚོན་ཡོངསུ་བརྗོད་པའི་ཆོས་ཀྱི་རྣམ་གྲངས་འདི
79a4 ཡིད་ལ་བྱད་བཞིན་དུ་སླད་ཀྱིས་ཀྱང་བདག་གིས་བཅོམ་ལྡན་འདས་ཀྱི་ཞལ་མཐོང་བར་གྱུར་ཅིག་ཅེས་ཚིག་ཏུ་སྨྲས་ནས།སུམ་ཅུ་རྩ་གསུམ་གྱི་ལྷ་རྣམས་དང་ལྷན་ཅིག་ཏུ་བཅོམ་ལྡན
79a5 འདས་ཀྱི་ཐད་ནས་དོང་ངོ་།།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།ལིད་ཙ་བིའི་བུ་རྩལ་རབ་དང་།ལྷ་རྣམས་ཀྱི་དབང་པོ་བརྒྱ་བྱིན་དང་།ལྷ་དང་།མི་དང་།ལྷ་མ་ཡིན་དང་།
79a6 དྲི་ཟར་བཅས་པའི་འཇིག་རྟེན་ཡི་རངས་ཏེ།བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།།འཕགས་པ་བཀྲ་ཤིས་བརྒྱད་པ་ཞེས་བྱ་བ་ཐེག་པ་ཆེན་པོའི་མདོ་རྫོགས
79a7 སོ།།།།རྒྱ་གར་སྐད་དུ།ཨཱརྱ་བུད་དྷ་ཨ་ནུ་སྨྲྀ་ཏི།བོད་སྐད་དུ།འཕགས་པ་སངས་རྒྱས་རྗེ་སུ་དྲན་པ།སངས་རྒྱས་དང་།བྱང་ཆུབ་སེམས་དཔའ་ཐམས
iiif viewer powered by OpenSeadragon
