| e-texts navigator |
| Wylie |
75b1 མིན་རྣམས།།ཉིན་དང་མཚན་དུ་སྲུང་བར་བྱེད།།མཚན་རྣམས་འདི་དག་འཛིན་བྱེད་པ།།དེ་ནི་གཟུགས་མཚན་ཕུན་སུམ་ཚོགས།།འབྱོར་པའི་རིགསུ་སྐྱེ་འགྱུར་ཞིང་།།དེ་ནི་སྦྱིན་པའི་བདག་པོར
75b2 འགྱུར།།ཐུབ་པ་རྣམས་ཀྱི་མཚན་འཛིན་པས།།བསྐལ་པ་བྱེ་བ་བརྒྱ་མང་དུ།།ད་ཡི་ཁ་ནས་དྲི་འབྱུང་བ།།དྲི་གསུང་ཞིམ་པོ་འབྱུང་པོར་འགྱུར།།ཐུབ་པོ་རྣམས་ཀྱི་མཚན་འཛིན་པ།།རྫུ་འཕྲུལ
75b3 ཚེ་ཞིང་ཡིད་གཞུངས་ལ།།འདབ་མ་བྱེ་བ་སྟོང་ལྡན་པའི།།རིན་ཆེན་པདྨ་སྐྱེ་བར་འགྱུར།།མཚན་རྣམས་འདི་དག་འཛིན་བྱེད་པ།།ཕ་དང་མ་དང་རྩ་ལག་དང་།།སྤུན་རྣམས་ཀྱི་ནི་ཡིད་འོང་ཞིང་།།
75b4 ནམ་ཡང་ཕོངས་པ་མཐོང་མི་འགྱུར།།བུད་མེད་ཀྱིས་ཀྱང་བློ་ལྡན་པ།།དེ་དག་རྣམས་ཀྱི་མཚན་ཐོས་ན།།བུད་མེད་ལུས་ལ་ཡིད་བྱུང་ནས།།མཁས་ཤིང་སྐྱེས་པར་སྐྱེ་བར་འགྱུར།།ལུས
75b5 ཅན་ཀུན་ལ་ཕན་པའི་ཕྱིར།།མྱུར་དུ་བྱང་ཆུབ་འཚང་རྒྱ་སྟེ།།ལྷ་དང་བཅས་པའི་འཇིག་རྟེན་གྱི།།རྟེན་དང་སྐྱབསུ་འབྱུང་བར་འགྱུར།དེ་ལ་མཚོན་གྱིས་མི་ཚུགས་ཏེ།།དུག་གིས་མི
75b6 ཚུགས་མེས་མ་ཡིན།།གཡོན་ཅན་དག་དང་ཆོམ་རྐུན་དང་།།རྒྱལ་པོ་འང་དེ་ལ་གནོད་མི་འགྱུར།།ཐུབ་པ་རྣམས་ཀྱི་མཚན་འཛིན་པ།།དེ་ལ་སྡིག་དང་ལྡན་པའི་བདུད།།ནག་པོའི་རྩ་ལག
75b7 བཞོན་བཅས་པས།།གླགས་ནི་རྙེད་པར་ཡོང་མི་འགྱུར།།ཞིང་རྣམས་བྱེ་བ་བསམ་ཡ་སུ།།དེ་ནི་མཁའ་ལས་འགྲོ་འགྱུར་ཏེ།།ཕུན་སུམ་ཚོགས་པའི་ཞིང་དེར་ནི།།འཇིག་རྟེན་མགོན
iiif viewer powered by OpenSeadragon
