| e-texts navigator |
| Wylie |
46a1 དཔའ་བ་ཞེས་བྱ་བ་དག་ཡོད་དེ།།དེ་དག་སྲིན་བུ་རབ་ཏུ་ལྡག་བྱེད་ཅེས་བྱ་བ་དག་བསད་ནས་ཟའོ།།དེ་དག་སྲིན་བུ་རབ་ཏུ་ལྡུག་བྱེད་དེ་དག་མ་རྙེད་ན་དེ་དག་ཀྱང་འཆིའོ།
46a2 སྲིན་བུའི་ཚོགས་དེ་གཉིས་ཀ་ཤི་སྟེ་མེད་པ་དང་།ཕ་མ་འདུས་པ་ལས་མངལ་ཆགས་པར་འགྱུ་རོ།།ཤཱ་རིའི་བུ་བུད་མེད་ཀྱི་ལུས་ལ་ལུས་ཀྱི་ནང་སྐྱེ་གནས་ཀྱི་སྒོ་ན་སྲིན་བུའི་ཚོགས་བཞི
46a3 ཡོད་དེ།འདི་ལྟ་སྟེ།མཆུ་མཆོག་ཅེས་བྱ་བ་དང་།གོང་བུ་སྲེད་ཅེས་བྱ་བ་དང་།རླུང་འབྱིན་ཅེས་བྱ་བ་དང་།འདོད་ལེན་ཅེས་བྱ་བ་སྟེ།དེ་དག་རྟོག་ཏུ་རྒྱུན་མི་འཆད་པར་བུད་མེད་ཀྱི་ལུས
46a4 ལ་ཟ་སྟེ།དེས་ན་བུད་མེད་ཉོན་མོངས་པ་རྣམས་ཀྱིས་ཤིན་ཏུ་འབར་བར་བྱས་ཏེ།འདོད་པ་ཡོངསུ་སྤྱད་པས་མི་ངོམས་པ་ཡི་ནོ།།དེ་ལྟ་བས་ན་དེ་བཞིན་གཤེགས་པས་བུད་མེད་ཀྱི་སྐྱོན
46a5 ཆེས་ལྷག་པ་དེ་དག་མཁྱེན་ནས་བསླབ་པའི་གཞི་ལྷག་པ་དང་བཅའ་བར་མཛད།།ཤཱ་རིའི་བུ་ཆོས་ཀྱི་ཕུང་པོའི་ཆོས་ཀྱི་རྣམ་གྲངས་འདི་ཡང་དང་ཡང་དུ་འཁོར་བཞི་པོ་དག་ལ་སྟོན་ཅིག།
46a6 དེ་ཅིའི་ཕྱིར་ཞེ་ན།འདོད་པ་རྣམས་ནི་སྨད་པར་བྱ་བ་ཡིན་པར་ཤེས་པར་འགྱུར།ལུས་ནི་སྨད་པར་བྱ་བ་ཡིན་པར་ཤེས་པར་འགྱུར་བའི་ཕྱིརརོ།།ཤཱ་རིའི་བུ་དེ་ལྟར་ལུས་འདི་བཅོས་མ
46a7 ཡིན་པར་ཤེས་ནས་བྱིས་པ་སོ་སོའི་སྐྱེ་བོ་ཐོས་པ་དང་མི་ལྡན་པ་མ་གཏོགས་པར་སུ་ཞིག་འདོད་པ་རྣམས་ལ་སྟེན་པར་བྱེད་དེ་དེ་ནི་གནས་མེད་དོ།།ཤཱ་རིའི་བུ་དེ་ལྟ་བས་ན་ལུས་འདི
iiif viewer powered by OpenSeadragon
