| e-texts navigator |
| Wylie |
444b1 གིས་ཀྱང་ཡེ་ཤེས་རྟོག་པར་གྱུར།སེམས་ཅན་གང་ན་སྟེ་ཆོས་མི་ཉན་ཅིང་ཆོས་ཉན་པཱ་མི་བགྲོ་བཱི་སཾ་ནཱ་དེ་དག་ཀྱང་དེ་བཞིན་གཤེགས་པ་ཆོས་ཀྱི་རྗེ་བང་བྱང་ཆུབ་ཀྱི་ཡན་ལག་བརྗོད་པ་གསན་ནས་ནད་ལས་ཡོངསུ་ཐར་ན།།
444b2 བདག་ཅག་གིས་ལྟ་ཅིའི་ཕྱིར་ཆོས་མཉན་པར་མི་བྱ་སྙམ་དུ་སེམས་པར་གྱུར་ཏེ།རིགས་ཀྱི་བུ་དེ་ལྟ་བས་ན་ལྷའི་བུ་དེ་དག་གདུལ་བའི་དོན་དུ་བྱ་བ་དང་།སེམས་ཅན་ནད་པ་དག་ལ་ཆོས་ཉིད་བསྟན་པའི་ཕྱིར་དེ
444b3 བཞིན་གཤེགས་པས་ང་རོ་རྒྱབན་པས་འོད་སྲུང་བྱང་ཆུབ་ཀྱི་ཡན་ལག་ཤོད་ཅིག་ཅེས་དེ་སྐད་ཀྱི་ཚིག་གསུངས་ཏེ།དེའང་དེ་བཞིན་གཤེགས་པའི་ཐབས་མཁས་པ་ཡིན་གྱི།ལས་ཀྱི་སྒྲིབ་པ་ནི་མ་ཡིན་ནོ།།།
444b4 ཅིའི་ཕྱིར་ནཱ་ཤཱཀྱ་རྣམས་བརླག་པ་ན་དེ་བཞིན་གཤེགས་པ་ང་གླད་པ་ན་སྟེ་མི་བཟོད་དོ་ཞེས་གསུང་ཞེ་ན།རིགས་ཀྱི་བུ་འདི་ལ་སེམས་ཅན་ཁ་ཅིག་དེ་བཞིན་གཤེགས་པ་ནི་གཉེན་རྣམས་ཀྱི་དོན་མི་བཞེད།
444b5 ཕན་པར་མི་བཞེད།བདེ་བར་མི་བཞེད།ཕན་པ་དང་བདེ་བར་མི་བཞེད་པས་དེའི་ཕྱིར་རྒྱལ་པོའི་རིགས་ཐམས་ཅད་ཁ་བཏགོ་སྙམ་དུ་སེམས་ཀྱི།དེ་བཞིན་གཤེགས་པས་གཉེན་རྣམས་ཀྱི་ཐོག་མ་མེད་པའི
444b6 སྡུག་བསྔལ་གྱི་ཕུང་པོ་མཐར་ཕྱུང་བར་ནི་མི་ཤེས་པའི་སེམས་ཅན་དེ་དག་གི་སེམས་བསྲུང་བའི་ཕྱིར་གནས་བརྟན་དགའ་བོ་ལ་ང་ནི་གླད་པ་ན་བ་མི་བཟོད་དོ།།ཞེས་དེ་སྐད་ཀྱི་ཚིག་གསུང་སྟེ།རིགས་ཀྱི
444b7 བུ་གང་གི་ཚེ་ན་དེ་བཞིན་གཤེགས་པས་གནས་བརྟན་དགའ་བོ་ལ་ང་ནི་གླད་པན་སྟེ་མ་བཟོད་དོ་ཞེས་དེ་སྐད་ཀྱི་ཚིག་གསུངས་པ་དེའི་ཚེ།ལྷའི་བུ་ཆད་པར་སྨྲ་བ་སུམ་སྟོང་དང་།སེམས་ཅན་སྲོག
iiif viewer powered by OpenSeadragon
