| e-texts navigator |
| Wylie |
37a1 མེད་པ་རྣམས་སུའོ།།ཆགས་པ་མེད་པ་ཉིད་དུ་མི་ལྟུང་བ་ནི་མངོན་པར་འདུ་བྱ་བ་མེད་པར་ཏེ་དེ་ནི་ཆུ་ལོ།།རིགས་ཀྱི་བུ་དག་དེ་ལྟ་བས་ན་ཡང་བར་ཡང་གྱིས་ཤིག།ཁུར
37a2 ཆེན་པོའང་ཁྱེར་ཅིག།མ་བླངས་པ་ནི་མ་ལེན་ཅིག།བླངས་པ་ནི་ཉམས་འོག་ཏུ་ཆུད་པར་གྱིས་ཤིག།གསོལ་པ།བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་ཡང་བ་ལགས།།ཇི
37a3 ལྟར་ན་ཁུར་ཆེན་པོ་ཁྱེར་བ་ལགས།ཇི་ལྟར་ན་མ་བླངས་པ་མི་ལེན་པ་ལགས།ཇི་ལྟར་ན་བླངས་པ་ཉམས་འོག་ཏུ་ཆུད་པར་བགྱིད་པ་ལགས།བཀའ་སྩལ་པ།ཡང་བར་བྱ་བ་ནི་ཉོན་མོངས་པ
37a4 ཐམས་ཅད་བཅད་དོ།།ཁུར་ཆེན་པོ་བསྐུར་བ་ནི་སེམས་ཅན་ཐམས་ཅད།།མ་བླངས་པ་མི་བླང་བ་ནི་ཉན་ཐོས་དང་རང་སངས་རྒྱས་ཀྱི་ཐེག་པའོ།།བླངས་པ་ཉམས་འོག་ཏུ་ཆུད་པར་བྱ་བ་ནི
37a5 ཐེག་པ་ཆེན་པོ་སྟེ་དེ་ནི་ཚུ་ལོ།།རིགས་ཀྱི་བུ་དག་དེ་ལྟ་བས་ན་སྨད་པར་ཡང་གྱིས་ཤིག།བསྟོད་པར་ཡང་གྱིས་ཤིག།ཉེ་བར་བསྙེན་པར་ཡང་གྱིས་ཤིག།སྤང་བར་ཡང་གྱིས་ཤིག།
37a6 གསོལ་པ།བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་སྨོད་པ་ལགས།ཇི་ལྟར་ན་བསྟོད་པ་ལགས།ཇི་ལྟར་ན་ཉེ་བར་བསྙེན་པ་ལགས།ཇི་ལྟར་ན་སྤང་བ་ལགས།བཀའ་སྩལ
37a7 པ།སྨད་པ་ནི་མི་དགེ་བའི་ཆོས་ཐམས་ཅད་སྨད་པའོ།།བསྟོད་པ་ནི་དགེ་བའི་ཆོས་ཐམས་ཅད་བསྟོད་པའོ།།བསྟན་པ་ནི་འཕགས་པའི་ལ་མོ།།སྤང་བ་ནི་མི་དགེ་བའི་ཕྱོགས་ཀྱི་ལམ་ཐམས་ཅད་དེ་ནི་ཆུ
iiif viewer powered by OpenSeadragon
