| e-texts navigator |
| Wylie |
22b1 པའི་འཁོར་གྱི་ཁྱམས་གོ་ལ་བ་དེར་གཤེགས་ཏེ་བྱོན་ནས་གདན་བཏིང་བ་ལ་བཞུགསོ།།བཞུགས་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་རབ་ཏུ་མང་པོ་དེ་དག་ལ་འདི་སྐད་ཅེས་བཀའ་སྩལ
22b2 ཏོ།།རིགས་ཀྱི་བུ་དག་ལེགསོ་ལེག་སོ།།ཁྱོད་ཀྱི་རྟོག་པ་ནི་བཟང་ངོ་།།ཡིད་ཀྱི་དྲི་བ་ནི་མཛེས་སོ།།སྤོབས་པ་ནི་དགེའོ།།ཡིད་ལ་བྱ་བ་ནི་ཚུལ་བཞིན་ནོ།།རིགས་ཀྱི་བུ་དག་དེའི་ཕྱིར་ལེགས་པར
22b3 ར་ཏུ་ཉོན་ལ་ཡིད་ལ་གཟུང་ཞིག་དང་།བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཚུལ་གང་བྱང་ཆུབ་སེམས་དཔའི་སྤྱོད་པ་ཐམས་ཅད་སྟོན་པར་བྱེད་པ་དང་།སངས་རྒྱས་ཀྱི་ཆོས
22b4 ཐམས་ཅད་རྗོད་པར་བྱེད་པ་དེ་ལྟ་བུའི་ཆོས་ཀྱི་ཚུལ་ངས་ཁྱེད་ལ་བཤད་དོ།།བཅོམ་ལྡན་འདས་ལེགས་སོ་ཞེས་གསོལ་ནས་བྱང་ཆུབ་སེམས་དཔའ་དེ་དག་བཅོམ་ལྡན་འདས་ཀྱི་ལྟར་ཉན་པ་དང་།
22b5 བཅོམ་ལྡན་འདས་ཀྱིས་དེ་དག་ལ་འདི་སྐད་ཅེས་བཀའ་སྩལ་ཏོ།།རིགས་ཀྱི་བུ་དག་དེ་ལྟ་བུས་ན་མྱ་ངན་ལས་འདས་པའི་བསམ་པ་ཅན་དུ་གྱིས་ཤིག།འཁོར་བར་སྦྱོར་བ་ཅད་དུ་གྱིས་ཤིག།
22b6 འཁོར་བ་དང་མྱ་ངན་ལུས་འདས་པ་ལའང་གནས་པར་མི་བྱེད་ཅིག།དེ་དག་གིས་གསོལ་པ།བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་རྣམས་མྱ་ངོནམས་འདས་པའི་བསམ
22b7 པ་ཅན་དང་འཁོར་བར་སྦྱོར་བ་ཅན་ལགས།ཇི་ལྟར་ན་འཁོར་བ་དང་།མྱ་ངན་ལས་འདས་པ་ལའང་མི་གནས་པ་ལགས།།བཅོམ་ལྡན་འདས་ཀྱིས་བཀའ་སྩལ་པ།འཆི་བ་མེད་པའི
iiif viewer powered by OpenSeadragon
