| e-texts navigator |
| Wylie |
156b1 ཀྱང་བསམས་པ་བཞིན་དུ་འབྱོར་ཅིང་ལྡན་པར་གྱུར་ཏོ།།སེམས་ཅན་གང་སྲོག་གཅོད་པ་ལ་དགའ་ཞིང་མོས་པ་ནས་ལོག་པར་ལྟ་བའི་བར་དུ་དགའ་ཞིང་མོས་པ་དག་ཀྱང་འོད་ཟེར་དེས་རེག་མ
156b2 ཐག་ཏུ་སྲོག་གཅོད་པ་ཡོངས་སུ་སྤོང་བ་ལ་དགའ་ཞིང་མོས་པ་ནས་ལོག་པར་ལྟ་བའི་བར་དུ་ཡོངས་སུ་སྤོང་བ་ལ་དགུའ་ཞིང་མོས་པར་གྱུར་ཏོ།།སེམས་ཅན་གང་འདོད་པ་མི་རྙེད་པ་རྣམ་པ
156b3 སྣ་ཚོགས་ཀྱིས་སྡུག་བསྔལ་བར་གྱུར་བདག་ཀྱང་འོད་ཟེར་དེས་རེག་མ་ཐག་ཏུ་ཇི་ལྟར་རེ་བ་བཞིན་དུ་རྙེད་པར་གྱུར་ཏོ།།གཞན་ཡང་འོད་ཟེར་དེའི་དབང་གིས་སངས་རྒྱས་ཀྱི་ཞིང་ཐམས
156b4 ཅད་ཀྱི་སེམས་ཅན་གང་སྡུག་བསྔལ་གྱིས་གདུངས་པ་དག་ཐམས་ཅད་ཞི་ནས་རབ་ཏུ་བདེ་བ་དང་ལྡན་པར་མཐོང་ངོ་།།གཞན་ཡང་སངས་རྒྱས་ཀྱི་ཞིང་དེ་དག་ཐམས་ཅད་དུ་འོད་ཀྱིས
156b5 སྣང་བར་བྱས་པས་སྤྲིན་དང་།རྡུལ་དང་།ན་བུནི་དང་།རླུང་དང་།ཇི་ཆར་དང་།བཀྲ་མི་ཤིས་པའི་སྒྲ་དང་།དྲི་མི་ཞིམ་པ་དང་།ཁ་བ་དང་།ཚ་བ་ལ་སོགས་པའི་རོ་ངན་པ་དང་།ཡིད་དུ་མྱི
156b6 འོང་བའི་རེག་བྱ་དང་།འཇིགས་སྐྲག་པ་དང་།གནོད་པ་མང་པོ་རྣམས་མེད་པར་གྱུར་ཏོ།།གཞན་ཡང་ལས་ངན་པ་དང་།ལོག་པའི་ངག་དང་།ལོག་པའི་བསམ་པ་དང་།ལོག་པར་ཕྱོགས
156b7 པ་དང་ཡོངས་སུ་བྲལ་ཏེ་ལྷག་པར་མི་གྲང་བ་དང་།ལྷག་པར་མི་ཆེ་བ་དང་།རབ་ཏུ་ཞི་ཞིང་བདེ་བ་དང་།ས་གཞི་ལག་མཐིལ་ལྟར་མཉམ་པ་དང་།བདེ་བའི་ཡོ་བྱད་དམ་པ་ཐམས་ཅད
iiif viewer powered by OpenSeadragon
