| e-texts navigator |
| Wylie |
153b1 བྱ་བ་བྱིན་ཏེ།སྐྱེས་བུ་དམ་པ་དག་འདི་ལྟར་ཁྱེད་ཅག་སེམས་ཅན་ཐམས་ཅད་ལ་ཕན་པ་དང་བདེ་བའི་ཕྱིར་དམ་པའི་ཆོས་ཡོངས་སུ་གཟུང་བར་སྤྲོ་བ་ནི་ལེགས་སོ་ལེགས་སོ།།འདི་ནི
153b2 ཁྱེད་དོང་འཚམ་མོ།།དམ་པའི་ཆོས་ཡོངས་སུ་འཛིན་པ་ནི་བྱང་ཆུབ་སེམས་དཔའ་རྣམས་ཀྱི་ཡང་དག་ཕུལ་གྱི་ཆོས་སོ།།བྱང་ཆུབ་སེམས་དཔའ་རྟག་ཏུ་དམ་པའི་ཆོས་ཡོངས་སུ
153b3 གཟུང་བ་ལ་བརྩོན་པར་བྱའོ།།རིགས་ཀྱི་བུ་དག་ཆོས་ཡང་དག་པར་བརྗོད་པ་དང་རབ་ཏུ་ལྡན་པའི་ཆོས་ཀྱི་རྣམ་གྲངས་འདི་གཟུང་བ་དང་གླགས་པ་དང་།ཀུན་ཆུབ་པར་བྱས་པའི་བྱང
153b4 ཆུབ་སེམས་དཔའ་སེམས་དཔའ་ཆེན་པོ་ནི་སྐྱེ་བ་མེད་པ་འགག་པ་མེད་པའི་སྐུ་ནི་ཆོས་ཀྱི་སྐུའོ།།ཆོས་ཀྱི་སྐུ་ནི་སངས་རྒྱས་ཀྱི་སྐུའོ་ཞེས་སངས་རྒྱས་ལ་སྣང་བ་ཆེན་པོ་ཐོབ་པར་འགྱུར
153b5 རོ།།ཆོས་ཐམས་ཅད་ནི་མ་བྱས་པ་འདུས་མ་བྱས་པའོ་ཞེས་ཆོས་ལ་སྣང་བ་ཆེན་པོའི་འཐོབ་པར་འགྱུར་རོ།།ང་ཡི་བ་མེད་པ་དང་།ཡོངས་སུ་འཛིན་པ་མེད་པ་ནི་བཅོམ་ལྡན་འང
153b6 ཀྱི་སློབ་མའི་དགེ་འདུན་ནོ་ཞེས་དགེ་འདུན་ལ་སྣང་བ་ཆེན་པོ་ཐོབ་པར་འགྱུར་རོ།།སྙིང་རྗེ་ཆེན་པོ་ནི་བྱང་ཆུབ་སེམས་དཔའི་སློབ་པའི་རྩ་བའོ་ཞེས་བྱང་ཆུབ་སེམས་དཔའི་བསླབ་པ
153b7 རྣམས་ལ་སྣང་བ་ཐོབ་པར་འགྱུར་རོ།།ངེས་པའི་ཚིག་ཐམས་ཅད་ནི་སྐྱེ་བ་མེད་པའི་ངོ་བོ་ཉིད་དོ་ཞེས་སྤོབས་པའི་སྣང་བ་ཐོབ་པར་འགྱུར་རོ།།རིགས་ཀྱི་བུ་དག་ཆོས་ཀྱི་རྣམ
iiif viewer powered by OpenSeadragon
