| e-texts navigator |
| Wylie |
152b1 རིགས་ཀྱི་བུ་ལེགས་སོ་ལེགས་སོ།།སེམས་དེ་འདྲ་བས་དཾ་པཱ་ཆོས་ཡོངས་སུ་གཟུང་བར་ནུས་སོ།།བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་གསོལ་པ།བཅོམ་ལྡན་འདས
152b2 གང་སྙིང་རྗེ་ཆེན་པོ་དང་མ་བྲལ་བ་དེས་དམ་པའི་ཆོས་ཡོངས་སུ་འཛིན་པར་རྔོ་ཐོག་གོ།བདག་ནི་སྙིང་རྗེ་ཆེན་པོ་ལ་དམིགས་ནས་ཆོས་ཀྱི་རྣམ་གྲངས་འདི་བཤད་པར་བགྱིའོ།།བྱང་ཆུབ
152b3 སེམས་དཔའ་བྱམས་པས་གསོལ་པ།བཅོམ་ལྡན་འདས་བྱམས་པའི་སེམས་ཀྱིས་དམ་པའི་ཆོས་ཡོངས་སུ་འཛིན་པ་རྔོ་ཐོག་གོ།དེ་ཅིའི་སླད་དུ་ཞེ་ན།གནོད་སེམས་མང་པོ་ལ་དམ
152b4 པའི་ཆོས་ཡོངས་སུ་འཛིན་པ་མ་མཆིས་པའི་སླད་དུའོ།།བཅོམ་ལྡན་འདས་བདག་ནི་བྱམས་པའི་སེམས་ཀྱིས་ཆོས་ཀྱི་རྣམ་གྲངས་འདི་བཤད་པར་བགྱིའོ།།བྱང་ཆུབ་སེམས་དཔའ་མཐོང
152b5 ན་དགས་གསོལ་པ།བཅོམ་ལྡན་འདས་བྱང་ཆུབ་སེམས་དཔའ་གང་སེམས་ཅན་རྣམས་ཀྱིས་མཐོང་ན་ངོམས་པར་མི་འགྱུར་བ་དེས་དམ་པའི་ཆོས་ཡོངས་སུ་འཛིན་པར་རྔོ་ཐོག་སྟེ།
152b6 བཅོམ་ལྡན་འདས་བདག་ནི་སེམས་ཅན་ཐམས་ཅད་ལ་ཁོང་ཁྲོ་བ་མ་མཆིས་པའི་སེམས་ཀྱིས་ཆོས་ཀྱི་རྣམ་གྲངས་འདི་ཡོངས་སུ་བཟུང་བར་བགྱིའོ།།བྱང་ཆུབ་སེམས་དཔའ་དེད་དཔོན
152b7 གྱིས་གསོལ་པ།བཅོམ་ལྡན་འདས་བྱང་ཆུབ་སེམས་དཔའ་གང་སེམས་ཅན་རྣམས་ཀྱི་དོན་དུ་སྡུག་བསྔལ་ཐམས་ཅད་ལ་སྤྲོ་བ་དང་།གང་སེམས་ཅན་རྣམས་སངས་རྒྱས་ཉིད་ཡང
iiif viewer powered by OpenSeadragon
