| e-texts navigator |
| Wylie |
334b1 དང་དཔུང་གི་ཚོགས་ཡན་ལག་བཞི་པ་དག་དང་བཅོམ་ལྡན་འདས་གལ་བ་དེར་དོང་སྟེ་ལྷགས་ནས་དེ་བཞིན་གཤེགས་པ་ལ་རྒྱལ་མཚན་དང་བ་དན་རྣམས་དངར་ཏེ།བཅོམ་ལྡན་འདས་ཀྱི་ཞབས་ལ།
334b2 མགོ་བོས་ཕྱག་བཙལ་ནས་ཕྱོགས་གཅིག་ཏུ་འཁོད་དེ།།ཡང་དེའི་ཚེ་ཡུལ་ཙམྦ་ནས་ཁྱིམ་བདག་ལེགས་སྦྱིན་ཁྱིམ་པ་དག་འབུམ་ཕྲག་དུ་མ་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང
334b3 སྟེ།ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ།།ཡང་དེའི་ཚེ་གྲོང་དང་།གྲོང་ཁྱེར་དང་།གྲོང་རྡལ་དང་།རྒྱལ་པོའི་ཕོ་བྲང་ཐམས་ཅད
334b4 ནས་ཡུལ་བཅུ་དྲུག་གི་མི་རྣམས་བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ་ཕྱོགས་གཅིག་ཏུ་འཁོད་དོ།།དེ་དག
334b5 ཐམས་ཅད་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་གོ།ཡང་དེའི་ཚེ་མཉན་ཡོད་ཀྱི་གྲོང་ཁྱེར་ཆེན་པོ་ནས་བཙུན་མོ་སཱ་ལི་ཀ་ལ་སོགས་པ་བཙུན་མོ་ཁྲི་དྲུག་སྟོང་དང་།
334b6 དགེ་བསྙེན་མ་ས་ག་ལ་སོགས་པ་དགེ་བསྙེན་མ་འབུམ་ཕྲག་དུ་མ་ཐམས་ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པ་ཤ་སྟག་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག
334b7 འཙལ་ནས་ཕྱོགས་གཅིག་ཏུ་འཁོད་དོ།།ལྷའི་བུ་དབང་ཕྱུག་ཆེན་པོ་ལ་སོགས་པ་གནས་གཙང་མའི་རིས་ཀྱི་ལྷའི་བུ་འབུམ་ཕྲག་དུ་མ་ལྷའི་བུ་དེ་དག་ཐམས་ཅད་ཀྱང་བྱང་ཆུབ་སེམས
iiif viewer powered by OpenSeadragon
