| e-texts navigator |
| Wylie |
330a1 དགའ་ལྡན་གྱི་ལྷ་རྣམས་ཀྱི་ལོངས་སྤྱོད་དང་།ཡོངས་སུ་སྤྱོད་པ་བཞིན་ཏེ།རཱི་དང་།རྡོ་དང་།བོང་བ་དང་།གྱོ་མོ་དང་།གསེག་མ་ལ་སོགས་པ་མེད་པར་འགྱུར
330a2 ཞིང་མུ་སྟེགས་ཅན་གྱི་མིང་ཡང་མེད་པར་འགྱུར་རོ།།ཉན་ཐོས་དང་།རང་སངས་རྒྱས་ཐམས་ཅད་ཀྱི་མིང་ཡང་མི་གྲག་པར་འགྱུར་རོ།།སྐྱེས་པ་དང་བུད་མེད་དག་པའི་བྱང་ཆུབ་སེམས
330a3 དཔའི་དགེ་འདུན་ཡང་འབྱུང་བར་འགྱུར་རོ།།དེ་ན་ཉན་ཐོས་དང་།རང་སངས་རྒྱས་ཀྱི་ཤེས་པའི་གཏམ་གྱི་མིང་ཡང་མེད་དེ།ཐེག་པ་ཆེན་པོའི་མདོའི་གཏམ་རྒྱས་པར་སྟོན་པར་འགྱུར་རོ།།
330a4 བདུད་དང་ཕྱིར་རྒོལ་བ་བཅོམ་པའི་སེམས་ཅན་རྣམས་འབྱུང་བར་འགྱུར་རོ།།དག་ཅིང་བཟོད་པ་ཆེན་པོའི་རྙེད་པ་ཐོབ་པ་དག་འབྱུང་བར་འགྱུར་རོ།།ས་གཞིའང་ནོར་བུ་རིན་པོ་ཆེ་ཐམས
330a5 ཅད་ལྔས་གྲུབ་པར་འགྱུར་ཏེ།ཛམྦུའི་ཆུ་བོའི་གསེར་གྱི་མེ་ཏོག་དང་།པདྨ་ཐམས་ཅད་ཀྱིས་སྤྲས་པར་འགྱུར་རོ།།དེ་བཞིན་གཤེགས་པ་དེའང་ཚེ་དཔག་ཏུ་མེད་པར་འགྱུར།།
330a6 དེ་བཞིན་དུ་མི་རྣམས་ཀྱི་ཚེ་འདྲ་ཚད་མེད་པར་འགྱུར་རོ།།དེ་བཞིན་གཤེགས་པ་དེ་ནི་གྲོང་ཁྱེར་གི་ཙང་མ་བསུང་ལྡན་དུ་བཞུགས་པར་འགྱུར་རོ།།བཅོམ་ལྡན་འདས་དེའི་སྨོན
330a7 གྱི་ཁྱད་པར་གྱིས་ནི་མ་འོངས་པའི་སེམས་ཅན་གྱི་ཚོགས་མང་པོ་ངག་གིས་དེ་བཞིན་གཤེགས་པ་དེའི་མཚན་ཐོས་པ་ཙམ་གྱིས་རང་གི་ལུས་ལས་ཤི་འཕོས་མ་ཐག་ཏུ་འཇིག་རྟེན
iiif viewer powered by OpenSeadragon
